بۇگىن الماتى قالاسى اكىمىنىڭ بوستاندىق اۋدانى تۇرعىندارىمەن كەزدەسۋىندە اۋدان تۇرعىنى اۆتوبۋس جۇرگىزۋشىلەرى وزدەرىن نەگە دورەكى ۇستايتىنىن، رولدە وتىرىپ تەلەفونمەن سويلەسەدى، تەمەكى شەگەدى. ارينە مۇنىڭ بارلىعى جولاۋشىلاردىڭ دەنساۋلىعىنا كەرى اسەرىن تيگىزەتىنىن تىلگە تيەك ەتتى، دەپ حابارلايدى Almaty-akshamy.kz.
بۇل ماسەلەنىڭ ەكى جاعى بار. ءبىرىنشى تاراپ قىزمەت كورسەتۋ ساپاسىنا بايلانىستى. قالادا ءبىر عانا مەملەكەتتىك وپەراتور – "الماتىەلەكتروترانس" جانە 24 جەكە وپەراتور بار. بىزدە جەكە وپەراتورلارعا قاتىستى تۇسكەن شاعىمدار جەتەرلىك. مەملەكەت باسشىسى الماتىعا كەلگەن سوڭ يندۋستريا مينيسترلىگىنە، كولىك كوميتەتىنە تاسىمالداۋ جونىندەگى قولدانىستاعى شارتتاردى قايتا قاراۋدى تاپسىردى،دەمەك جاۋاپكەرشىلىك ارتادى دەگەن ءسوز. جاۋاپكەرشىلىك بارلىعىنا قاتىستى بولادى، جۇرگىزۋشىلەرگە دە، اۆتوبۋستىڭ جاعدايىنا دا. كۇزدە ەرەجەلەر وزگەرەدى دەپ ۇمىتتەنەمىز جانە ءبىز ولاردان بارلىق قاجەتتى زاتتاردى رەسمي تۇردە تالاپ ەتە الامىز. ياعني، ءبىز بارلىق وپەراتورلاردى – جەكە جانە مەملەكەتتىك وپەراتورلاردى – حالىققا قىزمەت كورسەتۋدىڭ ءبىرىڭعاي دەڭگەيىنە جەتكىزگىمىز كەلەدى.
ەكىنشى جاعى. بىزدە بۇرىلاتىن پۋنكتتەر جوق. بيىل 10-پۋنكت، ال كەلەسى جىلى تاعى 10 پۋنكت اشامىز. دەمەك، جۇرگىزۋشىلەرگە مارشرۋت اياقتالعاننان كەيىن دەمالۋعا جانە ت.ب. مۇمكىندىك تۋادى.
جۇرگىزۋشىلەردىڭ تاپشىلىعىنا قاتىستى ماسەلە دە وزەكتى. ءبىز ولاردىڭ جەتكىلىكتى سانىن جيناي المايمىز، ۇمىتكەرلەرگە ءتيىستى بىلىكتىلىكتى الۋ قيىنعا سوعادى. تاعى ءبىر سەبەپ جاتاقحانالاردىڭ بولماۋى، سەبەبى جۇرگىزۋشىلەردىڭ 80% - ى الماتىدا تۇرمايدى. سوندىقتان ءبىز جۇرگىزۋشىلەر ازاماتتارعا ساپالى قىزمەت كورسەتۋدى تالاپ ەتۋ ءۇشىن جاعداي جاساعىمىز كەلەدى.
بارلىق قولدا بار فاكتىلەر بويىنشا اكىمدىك، قالالىق موبيلدىلىك باسقارماسى قاجەتتى شارالاردى قابىلداۋعا دايىن. جولاۋشىلاردىڭ شاعىمدارى بويىنشا ايىپپۇلدار جاعدايدى وزگەرتپەيدى. ءسىز دۇرىس بايقاعانسىز، جۇرگىزۋشىنىڭ جۇمىسى وتە جاۋاپتى. اۆتوبۋستا جولاۋشىلار كوپ بولعان كەزدە جۇرگىزۋشىلەردىڭ ەڭبەك جاعدايلارى مەن جالاقىلارى دا سوعان لايىق بولۋى ءتيىس، -دەپ جاۋاپ بەردى الماتى اكىمى ەربولات دوسايەۆ.