ۇيالى تەلەفون ۇرلىعى تىيىلماي تۇر.
بەلگىلى بولعانداي، 58 جاستاعى ب.ەسىمدى ازامات 126-باعىتتاعى قوعامدىق كولىككە وتىرىپ، جولاۋشىنىڭ قالتاسىنان ۇيالى تەلەفونىن ۇرلاپ كەتكەن، دەپ حابارلايدى Almaty-akshamy.kz Polisia.kz-كە سىلتەمە جاساپ.
«قازىرگى ۋاقىتتا ق ر قك-نىڭ 188-بابى (ۇرلىق) بويىنشا سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتى قاماۋعا الىندى. ونىڭ باسقا دا قىلمىستىق ارەكەتتەرگە قاتىسى بار-جوعى انىقتالىپ جاتىر»، — دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
وسى ۋاقىتتا قالانىڭ اۋەزوۆ اۋدانىنىڭ پوليسەيلەرى قالتا ۇرلىعىمەن اينالىسقان تاعى ءۇش كۇدىكتىنى ءبىر ۋاقىتتا ۇستادى.
«ولاردىڭ ءبىرى – الماتى وبلىسىنان كەلگەن 30 جاستاعى ن.ەسىمدى ازامات. ول ءجاسوسپىرىمنىڭ تەلەفونىن ۇرلاپ العان. تاعى ءبىر قالتا ۇرىسى – 30 جاستاعى ا.ەسىمدى ازامات ءدال وسى تىزبەكپەن ارەكەت جاساعان. قوعامدىق كولىكتە ول بوتەن بىرەۋدىڭ ءموبيلدى قۇرىلعىسىن ۇرلاپ، قاشۋعا ارەكەتتەنگەن. قارت ادامدى توناعان جوعارىدا اتالعان ەكى كۇدىكتى مەن 35 جاستاعى الماتى تۇرعىنى ۇستالدى. وسى ەپيزودتار بويىنشا قىلمىستىق ىستەر سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى»، – دەيدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.
ق ر قك-نىڭ 201 بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77 بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.