الماتىدا جولاۋشىلار تاسىمالى رەتتەلەدى
قازىرگى تاڭدا مارشرۋتتىق جەلىلەردى وڭتايلاندىرۋ، اۆتوبۋستار مەن تروللەيبۋستار ءۇشىن تولىققاندى ينفراقۇرىلىم قۇرۋ، سونىمەن قاتار، قاربالاس ۋاقىتتا قوعامدىق كولىكتىڭ ۇزدىكسىز جۇمىسىن قامتاماسىز ەتۋ ماسەلەسى ەرەكشە نازار اۋدارۋدى تالاپ ەتەدى. بۇل تۋرالى الماتى قالالىق موبيلدىلىك باسقارماسىنىڭ باسشىسى ساعىندىق تەلىبايەۆ مالىمدەدى.
«باعدارشامدى قوعامدىق كولىككە باسىمدىق بەرەتىندەي ەتىپ جاسايمىز. جولاۋشىلارعا ىڭعايلى بولۋ ءۇشىن رەتتەلەتىن جاياۋ جۇرگىنشىلەر وتكەلدەرىن جابدىقتايمىز. بەلگىلى ءبىر ۇزىندىقتاعى اۆتوبۋستاردى شىعارامىز. بۇل جاياۋ جۇرگىنشىلەر ايماعىن، تروتۋارلاردى تولىعىمەن وزگەرتەدى، جاڭا ايالدامالار پايدا بولادى. جول تارىلعان جەردە برت جولدىڭ ورتاسىمەن وتەدى، سودان كەيىن ول شەتكى جولاقتارمەن دە جۇرەدى. 2024 جىلدىڭ ەكىنشى جارتىجىلدىعىندا قۇرىلىس-مونتاج جۇمىستارىن باستاۋدى جوسپارلاپ وتىرمىز»، - دەدى قالالىق موبيلدىلىك باسقارماسىنىڭ باسشىسى.