جولاۋشىلار كولىگىندەگى جول-كولىك وقيعالارىنىڭ الدىن الۋ، سونداي-اق، قوعامدىق كولىكتەرمەن جانە تاكسيلەرمەن جولاۋشىلاردى تاسىمالداۋ تالاپتارىنىڭ ساقتالۋىنا باقىلاۋدى كۇشەيتۋ ماقساتىندا الماتى قالاسىندا 5-11 جەلتوقسان ارالىعىندا «قوعامدىق كولىك» جەدەل-الدىن الۋ ءىس-شاراسى وتكىزىلۋدە، دەپ حابارلايدى Almaty-akshamy.kz الماتى قالالىق پوليسيا lەپارتامەنتىنىڭ باسپا ءسوز قىزمەتىنە سىلتەمە جاساپ.
«قازىرگى ۋاقىتتا ءبىزدىڭ قىزمەتكەرلەر جولاۋشىلاردى تاسىمالداۋدى جۇزەگە اسىراتىن اۆتوكولىك كاسىپورىندارى مەن جەكە كاسىپكەرلەردىڭ ازاماتتاردى تاسىمالداۋ كەزىندەگى قاۋىپسىزدىك تالاپتارىنا سايكەستىگىن تەكسەرىپ جاتىر. قالاداعى قوعامدىق كولىكتەردىڭ تەحنيكالىق جاعدايى مەن بالالاردى تاسىمالداۋمەن اينالىساتىن جۇرگىزۋشىلەردىڭ جول قوزعالىسى ەرەجەلەرىن ساقتاۋىنا ەرەكشە نازار اۋدارىلۋدا. سونىمەن قاتار، زاڭسىز قايتا جابدىقتالعان قوعامدىق كولىكتەردى، سونداي-اق تەحنيكالىق جاعدايى مەن كونسترۋكسياسى قوزعالىس قاۋىپسىزدىگىنىڭ بەلگىلەنگەن تالاپتارىنا سايكەس كەلمەيتىن قوعامدىق كولىكتەر مەن تاكسي كولىكتەرىن پايدالانۋعا تىيىم سالۋ شارالارى قابىلداناتىن بولادى. زاڭسىز كەلىمسەكتەر مەن زاڭسىز تاسىمالداۋشىلاردى انىقتاۋ ماقساتىندا كوشى-قون پوليسياسىمەن بىرلەسىپ، ترانزيتتىك كولىكتەردى تەكسەرۋ قامتاماسىز ەتىلەدى. الدىڭعى شەپتەگى بولىمشەلەردىڭ جەكە قۇرامى بىرنەشە رەت جانە جۇيەلى تۇردە قۇقىقبۇزۋشىلىق جاساعانى ءۇشىن ىزدەۋدە جۇرگەن ادامدار مەن كولىك قۇرالدارىن انىقتاۋ ماقساتىندا بارلىق تىركەۋ دەرەكتەر بازاسىندا جۇرگىزۋشىلەردى تەكسەرۋ ۇيىمداستىرىلدى»، - دەدى، اكىمشىلىك پوليسيا دەپارتامەنتىندە.
پوليسيادا كولىكتى ماس كۇيىندە باسقارۋ، كولىك قۇرالىن جۇرگىزۋ قۇقىعىنان ايىرىلعان جۇرگىزۋشىنىڭ باسقارۋى، ساقتاندىرۋى جوق ادامنىڭ كولىك قۇرالىن باسقارۋى، قاراما-قارسى جولاققا شىعۋ، قيىلىستار مەن جاياۋ جۇرگىنشىلەر وتكەلدەرىن ءوتۋ ەرەجەلەرىن بۇزۋ، مانيەۆر جاساۋ ەرەجەلەرىن بۇزۋ، اپاتتىق جاعداي جاساۋ، ۇيالى تەلەفوندى پايدالانۋ، كولىك قۇرالىنىڭ توقتاۋ جانە تۇراققا قويۋ ەرەجەلەرىن بۇزۋى، جولاۋشىلاردى جانە گاباريتتى ەمەس جۇكتەردى تاسىمالداۋ ەرەجەلەرىن بۇزۋ، سونداي-اق، كولىك قۇرالىنىڭ ساناتىنا سايكەس كەلمەيتىن گاباريتتى ەمەس جۇكتەردى تاسىمالداۋ جانە ت.ب. دەرەكتەرىن انىقتاۋعا مىندەتتى تۇردە باسا نازار اۋدارىلاتىنىن ءتۇسىندىردى.