الماتىدا زاماناۋي قامشىلاردىڭ تۇساۋكەسەرى ءوتتى.
ونىڭ ىشىندە بالالارعا ارنالعان «بىلگە» قامشىسى بار. قامشىدا قازاقتىڭ ءان كۇيلەرى، جاڭىلتپاش، ماقال-ماتەلدەرى توپتاستىرىلعان، دەپ حابارلايدى Almaty-akshamy.kz.
بالا قامشىمەن ويناپ ءارى تۇركى جۇرتىنا ورتاق قۇرالدىڭ تاريحىن ءبىلىپ وسەدى، - دەيدى ۇيىمداستىرۋشىلار.
Smart قامشىلارعا ەلىمىزگە بەلگىلى ونەر ادامدارىنىڭ اندەرى دە ەنگىزىلگەن. شارا اياسىندا بولات بوپاي ۇلىنىڭ «ادامزات رۋحى-قامشى» اتتى كىتابى كوپشىلىككە تانىستىرىلدى. تۋىندىدا جەتپىستەن اسا قامشىنىڭ اتاۋى مەن قولدانۋ ادەبى تۋرالى مالىمەتتەر بەرىلگەن.
«ارتىمىزدان ەرىپ، ءوسىپ-ونىپ جاتقان ۇرپاقتارىمىزعا ۇلتتىق رۋحىن وياتۋ، ۇلتتىق يدەولوگيا قالىپتاستىرۋ، ەندى ابستراكت ۇعىمدا قالىپتاسپايدى عوي، ناقتى زاتتى برەندكە اينالدىرىپ، قامشىنىڭ قاسيەتىن ۇرپاققا تانىتۋ ءۇشىن وسى كىتاپ جاسالدى»، - دەيدى جازۋشى-ەتنوگراف بولات بوپاي ۇلى.