الماتى V قىسقى سپارتاكيادا قابىلدادى
2021 جىلعى 21 جەلتوقساندا Almaty Arena مۇز ايدىنىندا قازاقستان رەسپۋبليكاسىنىڭ V قىسقى سپارتاكياداسىنىڭ سالتاناتتى اشىلۋىنا وراي باسپا ءسوز كونفەرەنسياسى ءوتتى، دەپ حابارلايدى Almaty-akshamy.kz اlmaty.tv سايتىنا سىلتەمە جاساپ
ق ر سپارتاكياداسى – ەلىمىز ءۇشىن شىن مانىندە تاريحي وقيعا. الماتىدا 8-27 جەلتوقسان ارالىعىندا قازاقستان رەسپۋبليكاسىنىڭ V قىسقى سپارتاكياداسى ءوتىپ جاتىر. بۇل ءىس-شارا 4 جىلدا ءبىر رەت وتكىزىلەدى. بيىل الماتى قۇراماسىنىڭ اتىنان سپورتتىڭ 14 ءتۇرى بويىنشا 215 سپورتشى مەن 38 جاتتىقتىرۋشى قاتىسادى. كوماندالار سپورتتىق كەرەك-جاراقتارمەن تولىقتاي قامتاماسىز ەتىلگەن.
باسپا ءسوز كونفەرەنسياسىنا قاتىسۋشىلار: قاناعاتوۆ ەلسيار بايمۇحامەد ۇلى - ق ر ۇوك سپورت ديرەكسياسىنىڭ ديرەكتورى؛ بايسەيتوۆ رۇستەم ءسالىم ۇلى - الماتى قالاسى سپورت باسقارماسىنىڭ باسشىسى؛ كليمەنكو ۆالەريي - سپورت شەبەرى، "ازيا بالالارى" جارىستارىنىڭ جەڭىمپازى، ق ر چەمپيوناتتارى مەن ق ر كۋبوكتارىنىڭ بىرنەشە دۇركىن جەڭىمپازى؛ مۋحامادەيەۆ انۆار-قر حالىقارالىق دارەجەدەگى سپورت شەبەرى، جاسوسپىرىمدەر وليمپياداسىنىڭ كۇمىس جۇلدەگەرى، ق ر كۋبوكتارىنىڭ بىرنەشە دۇركىن جەڭىمپازى، 2021 الەم كۋبوگى كەزەڭىنىڭ قولا جۇلدەگەرى، ق ر ۇلتتىق قۇراماسىنىڭ مۇشەسى.
شارانىڭ باستى ماقساتى – سالاۋاتتى ءومىر سالتىن ناسيحاتتاۋ، قىسقى سپورت تۇرلەرى بويىنشا ۇلتتىق كوماندالاردى جيناقتاۋ، حالىقارالىق جارىستارعا دايارلاۋ، ونىڭ قاتارىندا قىسقى وليمپيادا ويىندارى دا بار. سپارتاكيادا باعدارلاماسىنا سپورتتىڭ 14 ءتۇرى ەندى.
قازىرگى ۋاقىتتا جارىسقا 16 وبلىس پەن رەسپۋبليكالىق ماڭىزى بار 3 قالانىڭ اتىنان 1300-گە جۋىق ادامنان قۇرالعان قۇراما كوماندالار قاتىسۋدا. كەشەندى سپارتاكيادا 14 سپورت تۇرىنەن ۇزدىك اتاعىنا تالاساتىن ەلىمىزدىڭ ەڭ مىقتى سپورتشىلارىن جينادى: بياتلون، كەرلينگ، كونكيمەن جۇگىرۋ، مانەرلەپ سىرعاناۋ، شورت-ترەك، شايبالى حوككەي (ەرلەر)، شايبالى حوككەي (ايەلدەر)، تاۋ شاڭعىسى سپورتى، ارالاس شاڭعى، شاڭعىمەن سەكىرۋ، سنوۋبورد، فريستايل-موگۋل، فريستايل اكروباتيكا.
ق ر V قىسقى سپارتاكياداسىنىڭ سالتاناتتى اشىلۋى Almaty Arena سپورت كەشەنىندە باسپا ءسوز كونفەرەنسياسىنان كەيىن بىردەن ءوتتى. ءىس-شارانى الماتى قالاسى سپورت باسقارماسىنىڭ باسشىسى رۇستەم بايسەيىتوۆ پەن ق ر مادەنيەت جانە سپورت ۆيسە - ءمينيسترى سەرىك جاراسبايەۆ، ق ر ۇوك سپورت ديرەكسياسىنىڭ ديرەكتورى - قاناعاتوۆ ەلسيار بايمۇحامەد ۇلى اشتى.
اشىلۋ راسىمىندە ق ر مادەنيەت جانە سپورت ۆيسە-مينيسترى سەرىك جاراسبايەۆ قۇتتىقتاۋ ءسوز سويلەپ، اشىلۋ سالتاناتىنىڭ جوعارى دەڭگەيدە وتكەنىن اتاپ ءوتتى.
«وزدەرىڭىز بىلەتىندەي، سپارتاكيادا ءتورت جىلدا ءبىر رەت وتەدى. بۇل ءتورتجىلدىقتىڭ باستى جارىسى - وليمپيادا ويىندارىنىڭ الدىندا قىسقى سپورت تۇرلەرى بويىنشا ۇلتتىق قۇراماعا ىرىكتەۋ بولادى. سپارتاكيادانى العاش رەت ءبىر قالادا، ءبىر جەردە وتكىزۋگە مۇمكىندىگىمىز بار ەكەنى قۋانتادى. ۇيىمداستىرۋشىلارعا العىسىمدى بىلدىرگىم كەلەدى»، - دەدى سەرىك جاراسبايەۆ.
سپورت باسقارماسىنىڭ باسشىسى سپارتاكيادانىڭ بارلىق قاتىسۋشىسى مەن ۇيىمداستىرۋشىلارىن قۇتتىقتاپ، قالانىڭ بارلىق سپورت مەكتەبىنىڭ جۇمىسىن جانە سپورتتىق ءىس-شارانىڭ وتكىزىلۋ دەڭگەيىن اتاپ ءوتتى.
«الماتىدا كەز كەلگەن جوعارى دەڭگەيدەگى حالىقارالىق جانە رەسپۋبليكالىق جارىستاردى وتكىزۋگە مۇمكىندىك بەرەتىن ەڭ زاماناۋي سپورتتىق ينفراقۇرىلىم قالىپتاستىرىلىپ، پايدالانۋعا بەرىلدى. قازاقستان رەسپۋبليكاسىنىڭ V قىسقى سپارتاكياداسىن وتكىزۋگە ارنالعان الماتى ارەنا وسىنداي تابىستى نىسانداردىڭ ءبىرى بولدى»، – دەدى الماتى قالاسى سپورت باسقارماسىنىڭ رۇستەم بايسەيىتوۆ باسشىسى.
ايتا كەتەيىك، اشىلۋ سالتاناتىنا الماتى قالاسى اكىمدىگىنىڭ بارلىق مامانداندىرىلعان بالالار مەن جاسوسپىرىمدەر سپورت مەكتەبىنىڭ تاربيەلەنۋشىلەرى قاتىستى. ءبىزدىڭ سپورتشىلار الدىنا وڭىرلەردىڭ اتاۋى جازىلعان تاقتايشالاردى الىپ ءجۇردى. بارلىق قاتىسۋشىلار - ءبىزدىڭ مەكتەپتەرىمىزدەن شىققان ءوز سالاسىنىڭ ۇزدىكتەرى.