24 قاڭتاردان باستاپ مەكتەپ وقۋشىلارى ءۇشىن الماتى مۋزەيلەرىنە كىرۋ تەگىن بولادى.
بۇگىن قالا اكىمدىگى ءتيىستى شەشىمگە قول قويدى. بۇل وقۋ پروسەسىن بايىتىپ قانا قويماي، بالالاردىڭ مادەنيەتكە، ونەرگە جانە تاريحقا دەگەن تەرەڭ قىزىعۋشىلىعىن وياتۋعا مۇمكىندىك بەرەدى. سونىمەن قاتار، مۋزەيلەرگە بارۋ ارقىلى ولاردىڭ سىني ويلاۋ قابىلەتى مەن اناليتيكالىق داعدىلارى دا دامي تۇسەدى، دەپ حابارلايدى اlmaty-akshamy.kz.
«ەلىمىزدە 3،9 ملن وقۋشى بار. ءبىز بارلىق بالا مەن ءجاسوسپىرىم ونەر تۋىندىلارىن، ارتەفاكتىلەر مەن ەكسپوناتتاردى ءوز كوزدەرىمەن كورىپ، دۇنيەتانىمىن كەڭەيتكەنىن قالايمىز. بۇل ولارعا قوسىمشا ءبىلىم الىپ، تاريحي وقيعالارعا تەرەڭ ۇڭىلۋگە كومەكتەسەدى. مەكتەپ وقۋشىلارى مۋزەيلەرگە نەگىزىنەن سىنىپ جەتەكشىلەرىمەن بىرگە كەلەتىنىن بايقايمىز. ەندى ولار وقۋ جىلى بارىسىندا دا، دەمالىس كەزىندە دە الماتى اكىمدىگىنە قاراستى مۋزەيلەرگە تەگىن بارا الادى»، – دەپ حابارلادى قالا اكىمدىگى.
مەكتەپ وقۋشىلارى تەگىن بارا الاتىن مۋزەيلەردىڭ ءتىزىمى مەن مەكەنجايى:
1. الماتى تاريحى مۋزەيى (قابانباي باتىر كوشەسى، 132)
2. ىقىلاس اتىنداعى حالىق مۋزىكالىق اسپاپتار مۋزەيى، (زەنكوۆ كوشەسى، 24/ا)،
3. د.ا. قونايەۆ مۋزەيى (تولەبايەۆ كوشەسى، 117)،
4. ادەبي-مەموريالدىق مۋزەي كەشەنى:
س. مۇقانوۆتىڭ مۋزەي-ۇيى (تولەبايەۆ كوشەسى، 125، 3-پاتەر)
ع. مۇسىرەپوۆتىڭ مۋزەي-ۇيى (قاراساي باتىر كوشەسى، 49، 25-پاتەر)
5. تىلەندييەۆتىڭ مەموريالدىق مۋزەيى (قونايەۆ كوشەسى، 96)،
6. ا.بايتۇرسىن ۇلىنىڭ مۋزەي-ۇيى (بايتۇرسىن ۇلى كوشەسى، 60)
7. رايىمبەك باتىر مۋزەي كەشەنى (رايىمبەك باتىر داڭعىلى، 96 ا)
8. مۋلتيمەديالىق ءداستۇرلى مۋزىكا ورتالىعى (نۇركەنت ش/ا، 5/11)
