ورتالىق قۇرىلىسى كەلەر جىلدىڭ سوڭىندا اياقتالادى
الماتىدا Qazaqstan تەلەارناسى عيماراتىنىڭ ورنىنا جاڭا مەدياورتالىق سالىنادى، دەپ حابارلايدى Azattyq Ruhy.
قالالىق اكىمدىكتىڭ باسپا ءسوز قىزمەتى حابارلاعانداي، Qazaqstan تەلەارناسىنىڭ بۇزىلعان عيماراتىنىڭ ورنىندا زاماناۋي مەدياورتالىقتىڭ قۇرىلىسى باستالدى.
«ورتالىق قۇرىلىسى كەلەر جىلدىڭ سوڭىندا اياقتالادى. سونىمەن قاتار قالا اكىمدىگىنىڭ عيماراتىن قالپىنا كەلتىرۋ جۇمىستارى جالعاسىپ جاتىر. اياقتالۋ مەرزىمى – 2023 جىلدىڭ 2-توقسانى»، - دەلىنگەن حابارلامادا.
ۆەدومستۆو وكىلدەرى الماتى تۇرعىندارىنىڭ قاۋىپسىزدىگىن قامتاماسىز ەتۋ ءۇشىن ادام كوپ جينالاتىن ورىندارعا جىل سوڭىنا دەيىن 3050 بەينەكامەرا ورناتىلاتىنىن، بيىل وسى ماقساتتا قوسىمشا 16،8 ملرد تەڭگە بولىنگەنىن اتاپ ءوتتى.
ايتا كەتەيىك، 5 قاڭتارداعى تارتىپسىزدىك كەزىندە الماتىداعى Qazaqstan تەلەارناسىنىڭ كەڭسەسىنە شابۋىل جاسالىپ، قاساقانا ءورت قويىلعان بولاتىن. سونىڭ سالدارىنان Qazaqstan تەلەارناسىنىڭ جىلدار بويىنا جيناعان مۇراعاتتىق جازبالارىنىڭ باعا جەتپەس، ءتۇپنۇسقاداعى اۋديو-بەينە قورىنىڭ ءبىراز بولىگى جويىلىپ كەتتى.