ۇستەل تەننيسىنەن قازاقستان كومانداسى الماتى وبلىسىندا جاتتىعۋ جيىنىن وتكىزدى.
قازاقستان ۇلتتىق كومانداسى الماتىداعى «اقبۇلاق» وليمپيادالىق ورتالىعىندا ۇستەل تەننيسىنەن جاتتىعۋ جيىنىن وتكىزدى. جيىنعا جاستار مەن جاسوسپىرىمدەر دە قاتىستى، دەپ حابارلايدى Almaty-akshamy.kz Olympic.kz-كە سىلتەمە جاساپ.
«جاتتىعۋ جيىنىندا كوپ نارسەگە ءمان بەردىك. كۇنىنە جەتى ساعات بويى توقتاۋسىز دايىندالدىق. نەگىزىنەن اياقتىڭ جۇمىسىنا باسىمدىق بەردىك. دوپتى ويىنعا قوسۋ جانە قابىلداۋ تەحنيكاسىن جەتىلدىردىك. بارلىعىن پسيحولوگيالىق جاعىنان دا قاراستىردىق. جيىندا سپورتشىلار قاتتى شارشادى. جالپى فيزيكالىق دايىندىقتى ساپالى تۇردە ورىنداعاندىقتان، بۇعان تاڭ قالۋدىڭ قاجەتى جوق. تەننيسشىلەر شارشاعانىنا قاراماستان، جيىندى جاقسى دەڭگەيدە اياقتادى. ولاردىڭ ەكى اپتالىق كورسەتكىشىنە جوعارى باعا بەرۋگە بولادى، - دەيدى كەڭەسشى-باپكەر دميتريي ليەۆەنكو.