قازاقستان حالقى اسسامبلەياسىنىڭ قولداۋىمەن 1 مامىردا اباي الاڭىندا «بەرەكە – بىرلىكتە» جالپىرەسپۋبليكالىق اكسياسى اياسىندا سۋ تاسقىنىنان زارداپ شەككەندەرگە گۋمانيتارلىق كومەك جيناپ، جەتكىزۋگە اتسالىسقان، كومەكتەسكەن ەرىكتىلەردى، بەلسەندى ازاماتتاردى، مادەنيەت قايراتكەرلەرىن ماراپاتتاۋ ءراسىمى وتەدى.
ءىس-شارا تانىمال شىعارماشىلىق ۇجىمدار مەن ەتنومادەني بىرلەستىكتەردىڭ كونسەرتتىك باعدارلاماسىمەن، قايىرىمدىلىق اكسيالار، جارمەڭكە، بايقاۋلار جانە باسقا دا ىس-شارالارمەن جالعاسادى، دەپ حابارلايدى اlmaty-akshamy.kz.
ساعات 11:00-دەن 14:00-گە دەيىن رەسپۋبليكا سارايىنىڭ الدىندا قايىرىمدىلىق جارمەڭكەسى مەن گاسترو-فەستيۆال وتەدى. 10-نان استام تانىمال مەيرامحانا قازاق، تۇرىك، وزبەك، كورەي، نەمىس، جۇڭگو، گرۋزين، ورىس، ارميان، ۇيعىر ۇلتتارىنىڭ ۇلتتىق تاعامدارىن ۇسىنادى. تۇسكەن قاراجات سۋ تاسقىنى سالدارىن جويۋ ماقساتىنا «دەمەۋ قازاقستان قورى» كورپوراتيۆتىك قورىنا اۋدارىلادى. وسىلايشا، ءاربىر قاتىسۋشى تابيعي اپاتقا ۇشىراعان ازاماتتارعا كومەكتەسە الادى.
مەرەكەلىك كونسەرتكە ەتنومادەني بىرلەستىكتەردىڭ شىعارماشىلىق ۇجىمدارى قاتىسادى: «اگۋگاي» ءانسامبلى، «دەرۆيشي» توبى، انجەليكا شاعاروۆا، «نايري» ءانسامبلى، اببوس قاسىموۆ ءانسامبلى ABBOS (وزبەكستان)، سيتورا نازاروۆا، «قازان نۇرلارى» ءانسامبلى (تاتارستان)، رۋمي مەن يانيس، «باحار» كاۆكاز بي ءانسامبلى، «ەلامان» دۋەتى (قىرعىزستان)، رومان كيم، «نام سون» ءانسامبلى مەن «مۋزارت» توبى.
ساعات 18:00-دەن 21:00-گە دەيىن اباي اتىنداعى الاڭدا جەكە كومپانيانىڭ قاراجاتى ەسەبىنەن Maxi Fest قايىرىمدىلىق كونسەرتى وتەدى. ساحنادا وتاندىق ەسترادا جۇلدىزدارى: ايقىن، Qanay، Ayree، كەشYOU توبى، يلحان ىقسان، بەكزات قۇنانباي، سيسيتاي، «ازيا» توبى، ارتۋر داۆلەتياروۆ، ايگەرىم قالاۋبايەۆا، ۇلانعاسىر كامي مەن ALPHA توبى ونەر كورسەتەدى.
مەرەكەلىك شارالار قالانىڭ باسقا اۋداندارىندا دا وتەدى:
ناۋرىزباي اۋدانىندا ساعات 11:00-دە شۇعىلا شاعىن اۋدانى 347 مەكەنجايىنداعى امفيتەاتردا، «بىرلىگىمىز جاراسقان» كونسەرتتىك باعدارلاماسى، قازاق، ۇيعىر، اراب، ءازىربايجان، ۋكراين، ورىس، ءۇندى، تاتار، وزبەك، جۇڭگو، كورەي جانە تۇرىك مادەنيەتتەرى وكىلدەرىنىڭ ۇلتتىق تاعامدارى، كيىمدەرى مەن بۇيىمدارىنىڭ كورمەسى وتەدى. سونداي-اق، سۋ تاسقىنىنان زارداپ شەككەن وڭىرلەرگە كومەك كورسەتكەن بەلسەندى ازاماتتار ماراپاتتالادى.
جەتىسۋ اۋدانىنداعى گۇلدەر ساياباعىندا (سەرىكوۆ، 2ا) ساعات 11:00-دە مادەنيەت ءۇيى مەن وقۋشىلار ءۇيىنىڭ تاربيەلەنۋشىلەرى، «دامۋ بالا» باعدارلاماسى بويىنشا ۇيىرمەگە قاتىساتىن بالالاردىڭ كونسەرتى وتەدى. سونداي-اق اۋداننىڭ ەتنومادەني بىرلەستىكتەرىنىڭ قاتىسۋىمەن قازاقستان حالىقتارىنىڭ كورمەسى ۇيىمداستىرىلادى.
اۋەزوۆ اۋدانىندا ساعات 11:00-دە سارىارقا سكۆەرىندە «گۇلدەن، مەنىڭ قازاقستانىم!» ۇرانىمەن ستۋدەنت-جاستار، بالالاردىڭ قاتىسۋىمەن ەكو-مارش وتەدى. سونداي-اق، سۋ تاسقىنىنان زارداپ شەككەن وڭىرلەرگە كومەك كورسەتۋ ءۇشىن ەتنومادەني وكىلدەرى قولونەرشىلەرىنىڭ قايىرىمدىلىق كورمەسى ۇيىمداستىرىلادى.
الاتاۋ اۋدانىندا ساعات 10:00-دە «الاتاۋ» يننوۆاسيالىق شىعارماشىلىق ورتالىعىندا مەرەكەلىك كونسەرت پەن تاقىرىپتىق سۋرەتتەر كورمەسى وتەدى. سونداي-اق، سۋ تاسقىنىنان زارداپ شەككەن وڭىرلەرگە كومەك كورسەتكەن بەلسەندى ازاماتتار ماراپاتتالادى.
تۇركسىب اۋدانىندا ساعات 11:00-دە ارباتتا (شولوحوۆ كوشەسىنىڭ قيىلىسى، ساۋرانبايەۆ كوشەسىنىڭ بويى) وقۋشىلار ءۇيى كوركەمونەر ۇجىمدارىنىڭ قاتىسۋىمەن كونسەرتتىك باعدارلاما مەن ەتنومادەني بىرلەستىكتەردىڭ كورمەسى وتەدى.
مەدەۋ اۋدانىندا كوكتوبە ورتالىق الاڭىندا ساعات 12:00-دە «الماتى اۋەندەرى» كمقك «جاسىل قالام – الماتىم» جەكە ورىنداۋشىلارىنىڭ كونسەرتى وتەدى. جامبىل اتىنداعى قازاق مەملەكەتتىك اكادەميالىق فيلارمونياسىندا (تولە بي كوشەسى، 21) ساعات 15:00-دە «گۇل الماتى – Flower Sity» وتەدى.
المالى اۋدانىندا اربات الاڭىندا ساعات 10:00-دە سۋ تاسقىنىنان زارداپ شەككەن وڭىرلەرگە كومەك رەتىندە قاراجاتتىڭ ءبىر بولىگىن بولە وتىرىپ، قولونەرشىلەر جارمەڭكەسى وتەدى. ساعات 12:00-دە شىعارماشىلىق ۇجىمداردىڭ قاتىسۋىمەن كونسەرتتىك باعدارلاما باستالادى.
بوستاندىق اۋدانىندا «Atakent» كقكو اۋماعىندا «الماتى - ءبىزدىڭ ورتاق ءۇيىمىز» مەرەكەلىك باعدارلاماسى بولادى، ونىڭ اياسىندا ەتنومادەني بىرلەستىكتەردىڭ كونسەرتى مەن قايىرىمدىلىق كورمەسى وتەدى. قايىرىمدىلىق جارمەڭكەسىنەن تۇسكەن بارلىق قاراجات «دەمەۋ قازاقستان قورى» قورىنا اۋدارىلادى.