الماتى قالاسى اكىمى اپپاراتى تىلدەردى دامىتۋ جانە ونوماستيكا ءبولىمى 2023 جىلعى 23 قاراشاداعى № 4/617 «الماتى قالاسىنىڭ قازاقستان رەسپۋبليكاسىندا ءتىل ساياساتىن دامىتۋدىڭ 2023-2029 جىلدارعا ارنالعان تۇجىرىمداماسىن ىسكە اسىرۋ جونىندەگى ءىس-قيمىل جوسپارىن بەكىتۋ تۋرالى» قاۋلىسىنا سايكەس «قازاق ءتىلىنىڭ ۇزدىك وقىتۋشىسى» بايقاۋىن جاريالايدى.
ماقساتى: قازاق ءتىلى وقىتۋشىلارىنىڭ (مۇعالىمدەرىنىڭ) كاسىبي بىلىكتىلىكتەرىن ارتتىرۋ جانە ادىستەمەلىك شەبەرلىكتەرىن شىڭداۋ؛ شىعارماشىلىق جۇمىستارىن باعالاۋ، ناسيحاتتاۋ.
مىندەتى: قازاق ءتىلى وقىتۋشىلارىن (مۇعالىمدەرىن) ىنتالاندىرۋ، شىعارماشىلىقپەن اينالىسۋىنا جاعداي جاساۋ، وقىتۋشىلاردىڭ اۆتورلىق باعدارلامالارىن، وقۋ قۇرالدارى مەن ادىستەمەلىك كەشەندەرىن ت.ب. ۇسىنۋعا، تاراتۋعا مۇمكىندىك بەرۋ، ۇزدىك جۇمىستاردى ناسيحاتتاپ، باسپا بەتىندە جاريالاۋعا مۇمكىندىك تۋدىرۋ.
قاتىسۋشىلار: بارلىق دەڭگەي بويىنشا (ەرەسەكتەر، جوو، ارنايى ورتا ءبىلىم بەرۋ ۇيىمدارى، ورتا مەكتەپ، باستاۋىش مەكتەپ، بالاباقشا) قازاق ءتىلىنىڭ وقىتۋشىلارى مەن مۇعالىمدەرى.
تالاپتارى مەن شارتتارى: بايقاۋعا قاتىسۋشىلار
👉 https://forms.gle/ZZS5t3CrirEHCsHC7 سىلتەمە ارقىلى Google فورمانى تولتىرىپ، ءوتىنىم قالدىرۋى ءتيىس.
بايقاۋ ءۇش بولىمنەن تۇرادى.
ءبىرىنشى بولىمدە وقىتۋشى قازاق ءتىلى پانىنەن ءبىر تاقىرىپتى ءوز قالاۋىنشا تاڭداپ، ونى قىزىقتى، كرەاتيۆتى فورماتتا (مىسالى: قىسقاشا ۆيدەو، reels، ينفوگرافيكا، انيماسيا، ستوريتەللينگ، lifehack، mini-sketch ت.ب.) قىسقا ءارى ناقتى تۇردە ءتۇسىندىرۋى ءتيىس. دايىندالعان ماتەريال TikTok، Instagram جەلىسىندە #ءقتۇوالماتى2025 حەشتەگىمەن جاريالانۋى كەرەك.
ەكىنشى بولىمدە وقىتۋشى ءوزى قۇراستىرعان
- وقۋ قۇرالى؛
- وقۋ-ادىستەمەلىك قۇرال؛
- وقۋ-ادىستەمەلىك كەشەن؛
- وقۋ-ادىستەمەلىك نۇسقاۋلىق؛
- وزىق ادىستەمەلەر جيناعى؛
- جاتتىعۋلار جيناعى؛
- دەڭگەيلىك ماتىندەر جيناعى؛
- جۇمىس داپتەرى؛
- ءتىلاشارلار؛
- ءتىل ۇيرەنۋگە ارنالعان ديداكتيكالىق ماتەريالدار؛
- وقۋ سوزدىگى نەمەسە ت.ب. ۇسىنادى. ءار وقىتۋشى ءبىر ءونىم ازىرلەپ ۇسىنادى.
ءۇشىنشى بولىمدە وقىتۋشىعا پەداگوگيكالىق سيتۋاسيالار، كەيس-سۇراقتار بەرىلەدى. وقىتۋشىنىڭ ماسەلەنى شەشە الۋ قابىلەتى، كاسىبي قۇزىرەتتىلىگى باعالانادى. ءۇشىنشى ءبولىم شەشۋشى كەزەڭ قازان ايىندا (كەيىن ناقتىلانادى) ونلاين ZOOM پلاتفورماسىندا وتەدى.
قورىتىندى. بايقاۋدىڭ قازىلار القاسىنا جوعارى كاسىبي بىلىكتى پەداگوگ، ادىسكەر عالىمدار، تاجىريبەلى قازاق ءتىلىن وقىتۋشى ماماندار جانە ت.ب. ەنەدى. قازىلار القاسى وتكىزىلگەن ماتەريالداردى زەردەلەۋ جانە ساراپتاۋ ارقىلى بايقاۋدىڭ قورىتىندىسىن شىعارادى. قازىلار القاسىنىڭ شەشىمى حاتتامامەن رەسىمدەلەدى.
ماراپاتتاۋ. ءبىرىنشى، ەكىنشى، ءۇشىنشى جۇلدەلى ورىن العاندارعا ءتيىستى دارەجەدەگى ديپلومدار مەن باعالى سىيلىقتار، قاتىسۋشىلارعا العىس حاتتار مەن ەستەلىك سىيلىقتار تاپسىرىلادى. ماراپاتتاۋ ءراسىمى ۇيىمداستىرۋشىلار تاراپىنان بەينەتاسپاعا جانە فوتوسۋرەتكە تۇسىرىلەدى. جەڭىمپازدار «مەملەكەتتىك ءتىل ماسەلەلەرى» كونفەرەنسياسىندا ماراپاتتالادى.
بايلانىس تەلەفوندارى: +7 7760300270، +7 7754651834