بۇل ماڭىزدى وقيعا وفتالمولوگيا سالاسىنداعى حالىقارالىق ىنتىماقتاستىقتى دامىتۋداعى ماڭىزدى كەزەڭ بولدى.
قازاق كوز اۋرۋلارى عىلىمي-زەرتتەۋ ينستيتۋتىندا (قازعزي) قازاق-نەمىس گلاۋكوما ورتالىعىنىڭ سالتاناتتى اشىلۋى ءوتتى، دەپ حابارلايدى aqshamnews.kz
اشىلۋ سالتاناتىنا الماتى قالاسى اكىمدىگىنىڭ وكىلدەرى، قازاقستاننىڭ جەتەكشى وفتالمولوگتارى جانە گەرمانيادان كەلگەن پروفەسسور كارل ەرب قاتىستى. ءىس-شاراعا قاتىسۋشىلار سوقىرلىق پەن ناشار كورۋدىڭ جەتەكشى سەبەپتەرىنىڭ ءبىرى بولىپ تابىلاتىن سىرقات – گلاۋكومانى دياگنوستيكالاۋ جانە ەمدەۋگە ارنالعان جاڭا ورتالىقتىڭ ماڭىزدىلىعىن ايشىقتاپ، دايىندىق پەن ۇيىمداستىرۋدىڭ جوعارى دەڭگەيىن اتاپ ءوتتى.
قازعزي جانە بەرليندەگى قولدانبالى وفتالمولوگيا ينستيتۋتى اراسىنداعى ىنتىماقتاستىق تۋرالى مەموراندۋمعا قول قويۋ ماڭىزدى وقيعا بولدى، ونى Wittenbergplatz كوز كلينيكاسى ءبولىمىنىڭ مەڭگەرۋشىسى، دەربەس قولدانبالى وفتالمولوگيا ينستيتۋتىنىڭ نەگىزىن قالاۋشى ديرەكتورى، Charité ۋنيۆەرسيتەتتىك كلينيكاسىنىڭ پروفەسسورى، پروفەسسور كارل ەرب باسقارادى. بۇل قۇجات تاجىريبە الماسۋعا، بىرلەسكەن زەرتتەۋلەر جۇرگىزۋگە جانە گلاۋكومانى ەمدەۋ سالاسىنداعى جاڭا تەحنولوگيالاردى دامىتۋعا باعىتتالعان ستراتەگيالىق سەرىكتەستىكتى بەكىتتى.
قازاقستاندا گلاۋكوما دياگنوزى قويىلعان 70 مىڭنان استام ناۋقاس تىركەلگەن جانە ولاردىڭ سانى وسۋدە. وسى اۋرۋمەن اۋىراتىن ناۋقاستاردىڭ كورۋ قابىلەتىن ساقتاۋدىڭ نەگىزگى فاكتورلارى ەرتە دياگنوستيكالاۋ جانە ۋاقىتىلى ەمدەۋ بولىپ تابىلادى.
قازعزي دەنساۋلىق ساقتاۋدى دامىتۋدىڭ مەملەكەتتىك باعدارلاماسى شەڭبەرىندە 2011 جىلى باستالعان گلاۋكوما سكرينينگىن ىسكە اسىرۋدا شەشۋشى ءرول اتقارادى. وسى باعدارلامانىڭ ارقاسىندا اۋرۋدىڭ ەرتە كەزەڭدەرىن انىقتاۋ ەكى ەسە ءوستى.
سالتاناتتى راسىمگە ورتالىقتىڭ رەسمي اشىلۋىن ايشىقتايتىن ءداستۇرلى لەنتا كەسۋ كىردى. ينستيتۋت باسشىلىعى، قوناقتار مەن سەرىكتەستەر جاڭا ورتالىقتىڭ تاجىريبە الماسۋ، وقىتۋ جانە گلاۋكومانى ەمدەۋدىڭ وزىق تەحنولوگيالارىن ەنگىزۋ الاڭىنا اينالاتىنىنا سەنىم ءبىلدىردى.
قازعزي باس ديرەكتورى الداشيەۆا نەيليانىڭ سويلەگەن سوزىنەن:
«بۇگىنگى كۇن ءبىزدىڭ حالىقارالىق بايلانىستارىمىزدى نىعايتۋداعى ماڭىزدى قادام بولىپ تابىلادى. قازاق-نەمىس گلاۋكوما ورتالىعىنىڭ اشىلۋى – پروفەسسور كارل ەرب باسقاراتىن قولدانبالى وفتالمولوگيا ينستيتۋتىمەن ستراتەگيالىق سەرىكتەستىكتىڭ ناتيجەسى. جاڭا ورتالىق بىزگە گلاۋكوما سياقتى الەۋمەتتىك ماڭىزدى سىرقاتپەن كۇرەسۋگە كومەكتەسەدى. ءبىز قازاقستاندا وفتالمولوگيالىق قىزمەتتى جەتىلدىرۋ بويىنشا جۇمىستى جالعاستىراتىن بولامىز».
پروفەسسور كارل ەرب ءوز سوزىندە مىنانى اتاپ ءوتتى:
«ءبىز بۇل ىنتىماقتاستىقتى قازاقستانداعى گلاۋكومامەن اۋىراتىن ناۋقاستارعا پايدا اكەلەتىن ءوزارا تاجىريبە الماسۋ رەتىندە كورەمىز. كا قازعزي-داعى زاماناۋي جابدىقتار مەن مامانداردىڭ جوعارى دەڭگەيىنىڭ ارقاسىندا جاڭا ورتالىق گلاۋكومانى ەمدەۋ مەن دياگنوستيكالاۋدا ماڭىزدى مەجە بولماق. ءبىزدىڭ بىرلەسكەن قارىم-قاتىناسىمىز دامىپ، ءوز جەمىسىن بەرەتىنىنە سەنىمدىمىن».
الماتى قالاسى اكىمىنىڭ ورىنباسارى نۋسۋپوۆا اسەم بىلاي دەپ اتاپ ءوتتى:
«الماتى قالاسى مەديسينانىڭ دامۋىنا باسا كوڭىل بولەدى. جاڭا گلاۋكوما ورتالىعى –ازاماتتارىمىزدىڭ دەنساۋلىعىن جاقسارتۋعا قوسقان ەلەۋلى ۇلەس. ءبىز مەديسينالىق كومەك دەڭگەيىن جاڭا دەڭگەيگە كوتەرۋ ءۇشىن شەتەلدىك ارىپتەستەرمەن وقىتۋ جانە تاجىريبە الماسۋ باعدارلامالارىن قولداۋدى جالعاستىرامىز».
نەگىزگى مامانداردىڭ سويلەگەن ءسوزى ەرەكشە نازار اۋدارتتى
مەديسينا عىلىمدارىنىڭ دوكتورى، پروفەسسور، ق ر ۇعا كوررەسپوندەنت-مۇشەسى، قازاقستان رەسپۋبليكاسى دەنساۋلىق ساقتاۋ مينيسترلىگىنىڭ شتاتتان تىس باس وفتالمولوگى بوتابەكوۆا تۋرسۋنگۋل ەرتە دياگنوستيكالاۋ مەن جاڭا تەحنولوگيالاردى ەنگىزۋدىڭ ماڭىزدىلىعىن اتاپ ءوتتى: «40 جاستان كەيىن كوزدى تەكسەرۋگە جاۋاپكەرشىلىكپەن قاراۋ كەرەك. ەگەر ءبىز وپەراسيا ۋاقىتىندا جاسالماسا، كورۋ قابىلەتىننىڭ جوعالۋى مۇمكىن. لازەرلىك جانە باسقا كوپتەگەن ادىستەر سياقتى جاڭا تەحنولوگيالاردى ەنگىزۋ وتە ماڭىزدى. گەرمانيادان كەلگەن ارىپتەستەرمەن بىرلەسە وتىرىپ، ءبىز وسى باعىتتاعى جۇمىستى كۇشەيتۋدى قالايمىز».
الماتى قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى اكانوۆا اسيا وڭىردەگى دەنساۋلىق ساقتاۋ جۇيەسىن جاقسارتۋ جانە كوز اۋرۋلارىن دياگنوستيكالاۋ مەن ەمدەۋدىڭ قولجەتىمدىلىگىن ارتتىرۋ ءۇشىن ورتالىقتىڭ اشىلۋىنىڭ ماڭىزدىلىعىن اتاپ ءوتتى.
رەسمي بولىمنەن كەيىن سەمينار ءوتتى، وندا قازاقستاننىڭ ءارتۇرلى وڭىرلەرىنەن كەلگەن ماماندار گلاۋكومانى دياگنوستيكالاۋ مەن ەمدەۋدىڭ زاماناۋي تاسىلدەرىن تالقىلادى.
قازعزي عىلىمي، ءبىلىم بەرۋ جانە كلينيكالىق الەۋەتىنىڭ جوعارى دەڭگەيىن كورسەتە وتىرىپ، قازاقستانداعى وفتالمولوگيانىڭ جەتەكشى ورتالىعى رەتىندەگى بەدەلىن نىعايتۋدى جالعاستىرۋدا.
انىقتاما
كوز اۋرۋلارى قازعزي قازاقستان رەسپۋبليكاسىنداعى وفتالمولوگيا سالاسىنداعى جەتەكشى عىلىمي-كلينيكالىق مەكەمە بولىپ تابىلادى جانە كوز اۋرۋلارىن ەمدەۋدى دامىتۋعا ەلەۋلى ۇلەس قوسادى. جۇمىس ىستەپ تۇرعان 90 جىل ىشىندە ينستيتۋت ءىرى ءعىلىمي-بىلىم بەرۋ ورتالىعىنا اينالدى، زەرتتەۋلەردىڭ كەڭ اۋقىمىن جۇرگىزەدى، جاڭا تەحنولوگيالاردى دامىتادى جانە ەمدەۋدىڭ وزىق ادىستەرىن ەنگىزەدى. مۇندا جىل سايىن جۇزدەگەن مىڭ ەمدەلۋشى ەم الادى.
قازعزي وتاندىق وفتالمولوگتاردىڭ جانە ەڭ جوعارى دەڭگەيدەگى شەتەلدىك مامانداردىڭ قاتىسۋىمەن ءىس-شارالاردى جۇيەلى تۇردە وتكىزە وتىرىپ، حالىقارالىق مەديسينالىق قوعامداستىققا بەلسەندى ينتەگراسيالانعان.
گلاۋكوما – بۇل كوزىشىلىك قىسىمنىڭ جوعارىلاۋىمەن بايلانىستى سوزىلمالى اۋرۋ، ول كورۋ جۇيكەسىنىڭ زاقىمدالۋىنا جانە كورۋ قابىلەتىنىڭ جوعالۋىنا اكەلۋى مۇمكىن. قازاقستاندا گلاۋكوما دياگنوزى قويىلعان 70 مىڭنان استام ناۋقاس تىركەلگەن جانە ولاردىڭ سانى وسۋدە. وسى اۋرۋمەن اۋىراتىن ناۋقاستاردىڭ كورۋ قابىلەتىن ساقتاۋدىڭ نەگىزگى فاكتورلارى ەرتە دياگنوستيكالاۋ جانە ۋاقىتىلى ەمدەۋ بولىپ تابىلادى.
ورتالىق جانە سەمينار جايلى قوسىمشا اقپارات الۋ ءۇشىن سۇراۋ سالۋلار:
تەلەفون: +7 (707) 383-38-33
بايلانىس تۇلعاسى: دۋمان كاپاسوۆ