شامامەن 5 جىلعا اقشالاي قاراجات كولەمى 13 ملن تەڭگە
ءورت ءسوندىرۋ كەزىندە قازا تاپقان اعا ءورت ءسوندىرۋشى-قۇتقارۋشى ارسلان قۇرمانبەكوۆتىڭ وتباسىنا 60 ايلىق كولەمىندە اقشالاي قاراجات (5 جىلعا)، ياعني شامامەن 13 ملن تەڭگە مولشەرىندە ءبىرجولعى وتەماقى تولەنەتىن بولادى، دەپ حابارلايدى Almaty-akshamy.kz Zakon.kz cىلتەمە جاساپ.
بۇل تۋرالى الماتى قالاسى تجد باسپا ءسوز قىزمەتى «قۇقىق قورعاۋ قىزمەتى تۋرالى» زاڭعا جانە قازا تاپقان قىزمەتكەردىڭ مۇراگەرلەرى تۋرالى تارماققا سىلتەمە جاساي وتىرىپ حابارلايدى.
سونىمەن قاتار، جەرلەۋ ءراسىمىنىڭ شىعىنى - 600 مىڭ تەڭگە كولەمىندە قوسىمشا وتەماقى تولەنەتىن بولادى. جەرلەۋ راسىمىنە ارنالعان بارلىق شىعىندى الماتى قالاسىنىڭ توتەنشە جاعدايلار دەپارتامەنتى ءوز موينىنا الدى.
توتەنشە جاعدايلار مينيسترلىگى ق ر پرەزيدەنتى اكىمشىلىگىنە قىزمەت بابىندا قازا تاپقان ءورت ءسوندىرۋشى ا.ج. قۇرمانبەكوۆتى مەملەكەتتىك ناگرادامەن ماراپاتتاۋ تۋرالى ۇسىنىس ەنگىزدى.