دەمالىس كۇندەرى الماتى جولدارىندا قاتتى گۇرىلدەيتىن 28 اۆتوكولىك انىقتالدى، دەپ حابارلايدى almaty-akshamy.kz Polisia.kz سىلتەمە جاساپ.
جەرگىلىكتى پوليسيا قىزمەتىنىڭ مالىمەتىنشە، مامانداندىرىلعان پاترۋلدىك پوليسيا باتالونىنىڭ قىزمەتكەرلەرى جول قوزعالىسى ەرەجەلەرىن ورەسكەل بۇزۋ، ونىڭ ىشىندە كولىكتى زاڭسىز قايتا جابدىقتاۋ فاكتىلەرىن انىقتاۋ ءۇشىن جەرگىلىكتى رەيد جۇرگىزدى.
– ءبىز اۆتوكولىكتەردىڭ دىبىس تۇنشىقتىرعىشىنداعى رەزوناتورلار تۋرالى ايتىپ وتىرمىز. ولار گۇرىلدەگەن جانە كۇركىرەگەن اسەرلەر تۋدىرادى. مۇنداي شۋ ازاماتتاردىڭ تىنىشتىعىن بۇزادى، اسىرەسە، تۇندە قالانىڭ ءىرى كوشەلەرىنىڭ بويىندا ورنالاسقان ۇيلەردىڭ تۇرعىندارى ءۇشىن ايتارلىقتاي قولايسىزدىقتار تۋعىزادى. بۇرىن حابارلانعانداي، الدىنعى قاتارداعى بولىمشەلەر رەيدتەردى جىلدام جانە شۋلى كولىك جۇرگىزۋدى ۇناتاتىندار جينالاتىن جەرلەردە جۇرگىزەدى. وسىلايشا ۋاقىتىندا اۆتوكولىك جۇرگىزۋشىلەرىنىڭ ءقاۋىپتى مانيەۆرلەرىنىڭ الدىن الۋعا بولادى. رەيدتەردىڭ جالعاسىپ جاتقانىن اتاپ وتكىم كەلەدى، – دەپ حابارلادى الماتى قالاسى پوليسيا دەپارتامەنتى باستىعىنىڭ ءبىرىنشى ورىنباسارى نۇرلان الماسبەكوۆ.