باس پروكۋراتۋرانىڭ ارنايى پروكۋرورلار قىزمەتى «QI Trade Kazakhstan» (Qarat Invest) قارجى پيراميداسىن ۇيىمداستىرۋشىلارعا قاتىستى قىلمىستىق ءىستى تەرگەپ-تەكسەردى.
ولاردىڭ باس ءوفيسى الماتى قالاسىندا ورنالاسقان، سونداي-اق وڭىرلەردە 12 فيليال جۇمىس ىستەگەن، دەپ حابارلايدى Almaty-akshamy.kz قازاقپاراتقا سىلتەمە جاساپ.
باسپا ءسوز قىزمەتىنىڭ مالىمەتتەرىنە قاراعاندا، «AMAZON» (اقش) بۇكىلالەمدىك الاڭىندا ساۋدا جاساۋ دەگەن اتپەن سەنىمگەرلىك باسقارۋ نەگىزىندە ازاماتتار پايىز تۇرىندە ودان ءارى كىرىس الۋ ءۇشىن اقشا سالعان.
سالىمشىلارعا سالىم سوماسىنا بايلانىستى جىلدىق 96%-عا دەيىن پايدا ۋادە ەتىلگەن.
سونىڭ سالدارىنان كومپانيا 6 ملرد تەڭگەدەن استام سوماعا 1345 ازاماتقا زالال كەلتىرگەن.
ازاماتتاردى الداۋ سحەماسىن جاساعانداردىڭ، سونداي-اق كومپانيانىڭ باس ءوفيسى جانە فيليالدارى باسشىلارىنىڭ كىناسىن پروكۋراتۋرا دالەلدەي الدى.
ناتيجەسىندە بوستاندىق اۋداندىق سوتىنىڭ ۇكىمىمەن 15 ادام باس بوستاندىعىنان ايىرۋدىڭ ناقتى مەرزىمدەرىنە جازا (6 جىلدان 7 جىلعا دەيىن) تاعايىنداۋمەن كىنالى دەپ تانىلدى.
«باس پروكۋراتۋرا ازاماتتاردى قىراعى بولۋعا، كۇماندى ۇيىمدارعا اقشا سالۋدان باس تارتۋعا شاقىرادى»، - دەلىنگەن حابارلامادا.