الاياقتىقتىڭ دەنى قارجىلىق پيراميدالارىمەن بايلانىستى.
بۇل تۋرالى الماتى پوليسياسىنىڭ باسشىسى ارىستانعاني زاپپاروۆ مالىمدەدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ءبىر قارجى ۇيىمىنا قاتىستى قىلمىستىق ءىستى تەرگەۋ اياسىندا بىرنەشە جابىرلەنۋشىنىڭ ارىزى نەگىزىندە تىركەلگەن ىستەردىڭ كوپ بولىگى ءبىر وندىرىسكە بىرىكتىرىلەدى. مىسالى، Mudarabah Capital-عا قاتىستى قىلمىستىق ءىستىڭ 179 ەپيزودى،«وسكار مەديكال» بويىنشا 298 ەپيزود جانە «Qi Trade» بويىنشا 4 مىڭنان استام جابىرلەنۋشى ءبىر وندىرىسكە بىرىكتىرىلدى. بۇل رەتتە تانىمال تۇتىنۋشى ينتەرنەت-پلاتفورمالارىنىڭ وكىلدەرىمەن جۇمىس كەزدەسۋلەرى، سونداي-اق باق-تا جانە الەۋمەتتىك جەلىلەردە ينتەرنەت-الاياقتىقپەن كۇرەسۋ تۋرالى اقپاراتى بار ماقالالار، بەينەروليكتەر تۇراقتى جاريالانۋىنىڭ ارقاسىندا ينتەرنەتتەگى الاياقتىقتاردىڭ سانىن ازايتۋعا مۇمكىندىك تۋدى»، – دەدى ارىستانعاني زاپپاروۆ.
«كيبەرنادزور» اقپاراتتىق جۇيەسى ارقىلى زاڭسىز سايتتاردى انىقتاۋ ءۇشىن ينتەرنەت كەڭىستىگىنە مونيتورينگ جۇرگىزۋ بارىسىندا ەلدە 800-دەن استام رەسۋرس بۇعاتتالعان نەمەسە شەكتەلگەن. پد-نىڭ ارنايى تەرگەۋ-جەدەل توبى IT-تەحنولوگيالار سالاسىنداعى قىلمىستاردى اشۋ بويىنشا جۇمىسىن جالعاستىرىپ جاتىر.