جەڭىمپازدار 13 جەلتوقسان ماراپاتتالادى.
6-11 جەلتوقسان كۇندەرى الماتىداعى مۇحتار اۋەزوۆ اتىنداعى قازاق ۇلتتىق دراما تەاترى "قارا شاڭىراق - 2022" جاڭا قويىلىمدار فەستيۆالىن وتكىزەدى، دەپ حابارلايدى Almaty-akshamy.kz .
"فەستيۆالدىڭ ماقساتى – جاڭا قويىلىمداردىڭ شىعارماشىلىق ساپاسىن، ونىڭ ىشىندە اكتەرلەردىڭ تابىستى جۇمىسىن انىقتاۋ. شىعارماشىلىق قۇرامعا جاڭا سەرپىن بەرىپ، كورەرمەن مەن تەاتر اراسىنداعى بايلانىستى نىعايتۋ"، - دەلىنگەن تەاتردىڭ باسپا ءسوز قىزمەتى تاراتقان حابارلامادا.
فەستيۆال بارىسىندا قازىلار القاسى نوميناسيالار بويىنشا ۇزدىكتەردى انىقتاپ، جەڭىمپازدار 13 جەلتوقسان ماراپاتتالادى.
شارانىڭ اشىلۋ سالتاناتىندا كىتاپتاردىڭ تۇساۋكەسەرى، "ءا.مامبەتوۆتىڭ تۋعانىنا – 90 جىل" اتتى كورمە "قان مەن تەر. اقبالا" تراگەدياسىنىڭ كورسەتىلىمى وتەدى.
فەستيۆال بارىسىندا ق.بەگمانوۆتىڭ "مەنىڭ مۇستافام!.." مونوسپەكتاكلى، د.يسابەكوۆتىڭ "ماقشار تۇنگى ماحاببات" ميستيكالىق دراماسى، ر.وتاربايەۆتىڭ "قىتايدان جەتكەن سالەمدەمە" دراماسى، م.اۋەزوۆتىڭ "قاراگوز" تراگەدياسى جانە وزگە دە قويىلىمدار كورەرمەن نازارىنا ۇسىنىلادى.