5 قاڭتاردا ۇلتتىق ۇلاننىڭ «وڭتۇستىك» وڭىرلىك قولباسشىلىعىندا قاڭتار وقيعاسى كەزىندە ەرلىكپەن قازا تاپقان ساربازدار ايبات امانوۆ پەن ماديار قايساروۆتى ەسكە الۋعا ارنالعان «ماڭگىلى ساپتا» ءبىر كۇندىك اكسياسى وتكىزىلدى. ءىس-شارا ءبىر مينۋتتىق ۇنسىزدىكپەن باستالدى.
ءىس-شارانى اشقان «وڭتۇستىك» وڭىرلىك قولباسشىلىعى قولباسشىسىنىڭ ءبىرىنشى ورىنباسارى – شتاب باستىعى، پولكوۆنيك بەكايدار قاسكەيەۆ ەل ءىشىن ەسەڭگىرەتىپ تاستاعان قايعىلى قاڭتار وقيعاسىنا توقتالىپ، قازا بولعان "ۇلاندىق" باتىرلاردىڭ كوزسىز ەرلىكتەرىن ۇلگى ەتۋدىڭ ماڭىزدىلىعىن اتاپ ءوتتى.
ءوز كەزەگىندە ءسوز العان ءتجاقج باسقارماسىنىڭ باستىعى، پولكوۆنيك اتابەك ساليحبايەۆ قوعامدىق ءتارتىپتى قامتاماسىز ەتۋ بويىنشا اسكەري بورىشىن وتەۋ كەزىندە قازا بولعان "ۇلاندىق" جاۋىنگەرلەر ماديار مەن ايباتتىڭ ەرلىكتەرى تۋرالى بايانداما جاسادى.
ءىس-شارا سوڭىندا اسكەري قىزمەتشىلەرگە ەكى جاۋىنگەر تۋرالى دەرەكتى فيلم كورسەتىلدى. فيلمدە "ۇلاندىق" باتىرلاردىڭ اتا-انالارى، ۇستازدارى، دوستارى جانە كومانديرلەرى ولاردىڭ ومىرلەرى تۋرالى ايتقان ەستەلىكتەرى بەينەلەنگەن. ءفيلمدى قاراعان اسكەري قىزمەتشىلەر ەرىكسىز كوزدەرىنە جاس الدى.
ايتا كەتەيىك، قاڭتارداعى قاقتىعىستا «وڭتۇستىك» وڭىرلىك قولباسشىلىعىنىڭ اسكەري قىزمەتشىلەرى ورنى تولماس شىعىنعا ۇشىرادى. قاتارداعى جاۋىنگەرلەر قايساروۆ ماديار ورازالى ۇلى، امانوۆ ايبات ەربول ۇلى ەرلىكپەن قازا تاپتى، ولاردىڭ ەسىمى اسكەري بولىمدەردىڭ تىزىمىنە ماڭگىلىككە ەنگىزىلدى. اتالعان جاۋىنگەرلەر، قازاقستان رەسپۋبليكاسى پرەزيدەنتىنىڭ جارلىعىمەن (قايتىس بولعاننان كەيىن) ءىىى دارەجەلى «ايبىن» وردەنىمەن ناگراتتالدى.
كونستيتۋسيالىق بورىشتارىن قامتاماسىز ەتۋ كەزىندە ەرلىكپەن قازا بولعان ۇلتتىق ۇلاننىڭ ساربازدارى ماڭگىلىك جادىمىزدا!