تەلەفون مەن ءيىسسۋ ۇرلاعان
الماتىدا قاڭتار وقيعاسى كەزىندە ۇرلىق جاساعان سوتتالۋشىعا باس بوستاندىعىن شەكتەۋ جازاسى تاعايىندالىپ، سوت زالىنان بوساتىلدى، دەپ حابارلايدى Almaty-akshamy.kz.
الماتى قالالىق سوتىنىڭ باسپا ءسوز قىزمەتى حابارلاعانداي، قاڭتار ايىنىڭ 6-سىنان 7-سىنە قاراعان ءتۇنى قاراعاندىلىق 23 جاسار ازامات Maxima ويىن-ساۋىق كەشەنىنىڭ جانىنان ءوتىپ بارا جاتقاندا، تەرەزەلەرىنىڭ سىنعانىن كورگەن.
«سوتتالۋشى كەشەننىڭ ىشىنە كىرىپ، ەكىنشى قاباتتاعى Prato دۇكەنىنەن قۇنى 33 333 تەڭگەلىك Iphone-6 ماركالى ۇيالى تەلەفونىن، كەيىن Monamie دۇكەنىنەن قۇنى 30 351 تەڭگە Dior ءيىس سۋىنىڭ ەكى قۇتىسىن ۇرلاعان. سوتپەن بۇل ارەكەتتەر قىلمىستىق كودەكستىڭ 188-بابى، 3-بولىگىنىڭ 2، 3-تارماقتارى بويىنشا ۇرلىق، ياعني، قويماعا زاڭسىز كىرۋ ارقىلى بىرنەشە رەت جاسالعان بوتەننىڭ مۇلكىن جىمقىرۋ دەپ تانىلدى. سوتتالۋشى ءوز كىناسىن مويىنداپ، باسقا ادامداردىڭ دۇكەندەردەن زات الىپ جاتقانىن كورگەن سوڭ ءوزى دە كىرىپ، تاۋاردى ۇرلاعانىن العا تارتتى. ال قىلمىستىق كودەكستىڭ 188-بابى، 3-بولىگىنىڭ 2، 3-تارماقتارى بويىنشا ەكى جىلدان جەتi جىلعا دەيiنگi مەرزiمگە باس بوستاندىعىن شەكتەۋگە، نە سول مەرزىمگە باس بوستاندىعىنان ايىرۋ جازاسى قاراستىرىلعان. سوت ونىڭ جاستىعىن، كىناسىن مويىنداعانىن، شىن نيەتپەن وكىنگەنىن جانە ءبىرىنشى سوتتىلىعىن ەسكەرە وتىرىپ، مينيمالدى ەكى جىل مەرزىمگە باس بوستاندىعىن شەكتەۋ جازاسىن تاعايىندادى»، - دەلىنەدى قالالىق سوتتىڭ تاراتقان حابارلاماسىندا.
سوتتالۋشى ازامات سوت زالىندا قاماۋدان بوساتىلدى. ونىڭ كۇزەتپەن ۇستالعان ۋاقىتىنىڭ ءبىر كۇنى باس بوستاندىعىن شەكتەۋ تۇرىندەگى جازانى وتەۋدىڭ ەكى كۇنى ەسەبىمەن ەسەپكە جاتقىزىلدى. ۇكىم زاڭدى كۇشىنە ەنگەن جوق.