الماتىدا قانت باعاسى قاتاڭ باقىلاۋدا - اكىمدىك

الماتى قالالىق اكىمدىكتىڭ مالىمەتىنشە، مەگاپوليستە قانت تاپشىلىعى مەن ونىڭ باعاسىنىڭ نەگىزسىز وسۋىنە جول بەرمەۋ ءۇشىن جەدەل شارالار قابىلداندى، دەپ حابارلايدى Almaty-akshamy.kz 

«ناتيجەسىندە بۇگىندە نارىقتا قانتتىڭ قۇنى ستاتيستيكا بويىنشا سوڭعى ۋاقىتتا 2%-عا ارزاندادى»، - دەپ ءتۇسىندىردى الماتى قالالىق كاسىپكەرلىك جانە ينۆەستيسيالار باسقارماسىنان.

سونىمەن قاتار، كوتەرمە جەتكىزۋشىلەردىڭ كومەگىمەن قالاعا قوسىمشا 2،8 مىڭ توننا قانت اكەلىندى. سونداي-اق، «ازىق-تۇلىك كورپوراسياسى» ۇك» اق قالاعا 136 توننا (2 ۆاگون) قانت ءبولىپ، «تويمارت» جەلىسىندە ساتىلۋدا.

«قازىرگى تاڭدا باعانىڭ نەگىزسىز وسۋىنە جول بەرمەۋ ءۇشىن ساۋدا جەلىلەرى، بازارلار مەن ساۋدا ورىندارىنا مونيتورينگ كۇشەيتىلدى. ءۇي جانىنداعى دۇكەندەرگە قانتتى تىكەلەي جەتكىزۋدى ۇيىمداستىرۋ ءۇشىن سەنىم تەلەفونى ىسكە قوسىلدى. وسىلايشا، نارىقتاعى جاعدايدى تۇراقتاندىرۋ، حالىقتى قانتپەن قامتاماسىز ەتۋ جانە شەكتى رۇقسات ەتىلگەن باعانى ۇستاپ تۇرۋ ءۇشىن بارلىق قاجەتتى شارالار قابىلداندى. قانت باعاسى قاتاڭ قاداعالانادى»، - دەدى اكىمدىكتەگىلەر.

بۇعان دەيىن الماتىلىقتاردى قانتتىڭ ءار ساۋدا ورنىندا ءارتۇرلى باعاسى تاڭقالدىرعانى تۋرالى جازعان بولاتىنبىز. ەسكە سالايىق، ق ر ساۋدا جانە ينتەگراسيا مينيسترلىگى ەلدە قانت تاپشىلىعى جوق ەكەنىن حابارلاعان بولاتىن.