الماتى قالاسىندا تۇراتىن تۇرمىسى تومەن وتباسىلارعا قانداي جاعدايدا اتاۋلى الەۋمەتتىك كومەك كورسەتىلەدى؟ بۇل تۋرالى الماتى قالاسى الەۋمەتتىك ءال-اۋقات باسقارماسىنىڭ وتباسىلىق ءال-اۋقات ءبولىمىنىڭ باس مامانى جانار سەيفۋللينا ايتىپ بەردى، دەپ حابارلايدى اlmaty-akshamy.kz.
سپيكەردىڭ ايتۋىنشا، ەلىمىزدىڭ الەۋمەتتىك-ەكونوميكالىق باعىتتاعى ساياساتى - تۇرمىسى تومەن، مۇگەدەكتىگى بار ازاماتتاردى، سونىمەن قاتار كوپ بالالى وتباسىلاردى قولداۋعا باعىتتالعان.
«الماتى قالاسىندا تۇراتىن تۇرمىسى تومەن وتباسىلارعا، ونىڭ ىشىندە كوپ بالالى جانە تولىق ەمەس وتباسىلارعا ق ر «مەملەكەتتىك اتاۋلى الەۋمەتتىك كومەك تۋرالى» زاڭىنا (بۇدان ءارى – زاڭ) سايكەس، ەگەر وتباسىنىڭ ءبىر مۇشەسىنىڭ تابىسى كۇن كورىس دەڭگەيىنەن 70%-دان تومەن بولسا، اتاۋلى الەۋمەتتىك كومەك كورسەتىلەدى. 2022 جىلدىڭ 1 توقسانىنا كۇنكورىس دەڭگەيىنىڭ كولەمى 40 925 تەڭگەنى، كۇنكورىس دەڭگەيىنىڭ 70% – 28 648 تەڭگەنى قۇرايدى»،- دەدى جانار سەيفۋللينا.
ونىڭ ايتۋىنشا، ااك 2 تۇرگە جىكتەلەدى: شارتسىز جانە شارتتى اقشالاي كومەك.
«شارتسىز اقشالاي كومەكتىڭ قۇرامىندا ەڭبەككە قابىلەتتى مۇشەلەرى جوق وتباسىلار نەمەسە ەڭبەككە قابىلەتتى مۇشەلەرى وبەكتيۆتى سەبەپتەر بويىنشا جۇمىسپەن قامتۋعا جاردەمدەسۋ شارالارىنا قاتىسا المايتىن وتباسىلار الادى. شارتتى اقشالاي كومەك قۇرامىندا ەڭبەككە قابىلەتتى ازاماتتارى بار وتباسىلارعا كورسەتىلەدى. الەۋمەتتىك كەلىسىمشارت جاساسۋ جانە بارلىق جۇمىسسىز ەڭبەككە قابىلەتتى وتباسى مۇشەلەرىن جۇمىسپەن قامتۋعا جاردەمدەسۋ شارالارىنا مىندەتتى تۇردە قاتىسۋى مىندەتتى شارت بولىپ تابىلادى»، - دەدى سپيكەر.
ول اتاپ وتكەندەي، اتاۋلى الەۋمەتتىك كومەكتى رەسىمدەۋ ءۇشىن «e-gov» پورتالى ارقىلى نەمەسە ازاماتتارعا قولايلى بولۋ ءۇشىن باسقارمانىڭ اۋداندىق بولىمدەرىندە ورنالاستىرىلعان (مەكەنجايلارى www.usb.almaty.kz سايتىندا) ورتالىق ماماندارىنا بەلگىلەنگەن ۇلگىدەگى ءوتىنىش پەن جەكە ءتولقۇجات ۇسىنۋ قاجەت.
ايتا كەتەيىك، جىل باسىنان بەرى الماتى قالاسى بويىنشا 3 513 وتباسى اتاۋلى الەۋمەتتىك كومەك الادى، ونىڭ ىشىندە 1 533 - كوپ بالالى وتباسىلار.