الماتىدا 60-قا جۋىق موپەد تىركەلدى، دەپ حابارلايدى aqshamnews.kz.
قازاقستاندا موپەدتەردى تىركەۋ ناۋقانى رەسمي تۇردە باستالدى. وتكەن اپتادا الماتىدا العاشقى ەكى دوڭگەلەكتى كولىك تىركەلىپ، ونىڭ يەسىنە تەحنيكالىق ءتولقۇجات پەن مەملەكەتتىك ءنومىر تابىستالدى. الماتى قالاسى روليسيا دەپارتامەنتىنىڭ اكىمشىلىك پوليسيا باسقارماسى پروسەسسينگ ورتالىعىنىڭ باسشىسى ايدىن مەركىمبايەۆ بۇل باستامانىڭ ماڭىزدىلىعىن اتاپ ءوتتى.
وتكەن جىلى "جول قوزعالىسى تۋرالى" زاڭعا ەنگىزىلگەن وزگەرىستەر موپەدتەردى پايدالانۋ ءتارتىبىن رەتتەۋگە باعىتتالعان. ەندى موپەد جۇرگىزۋشىلەرى جول قوزعالىسىنىڭ تولىققاندى قاتىسۋشىلارى رەتىندە قاراستىرىلادى جانە زاڭ تالاپتارىنا باعىنادى. وسىعان بايلانىستى الماتى پوليسياسى تىركەۋ الگوريتمى مەن قاجەتتى قۇجاتتار ءتىزىمى كورسەتىلگەن جادىنامالاردى كەڭىنەن تاراتۋدا. بۇل اقپاراتتىق ماتەريالدار موپەد جۇرگىزۋشىلەرى ءجيى جينالاتىن ورىنداردا، بۇقارالىق اقپارات قۇرالدارى مەن الەۋمەتتىك جەلىلەر ارقىلى تاراتىلىپ جاتىر. ءاربىر جۇرگىزۋشى موپەدتەردى مىندەتتى تۇردە تىركەۋ جانە ا1 ساناتىنداعى جۇرگىزۋشى كۋالىگىن الۋ قاجەتتىلىگىن ءبىلۋى ءتيىس، – دەدى ول.
الماتىدا بۇگىنگە دەيىن 60-تان استام موپەد رەسمي تۇردە تىركەلدى. سونداي-اق پوليسەيلەر ەكستەرريتوريالدىلىق قاعيداتىنىڭ قولدانىلاتىنىن ەسكە سالدى، ياعني كولىكتى كەز كەلگەن وڭىردە تىركەۋگە بولادى.