الماتىدا جاسىل جەلەك كوبەيەدى جانە بۇل جاي «جاسىل ارالدار» عانا ەمەس، ناعىز جاسىل الاڭدار مەن ساياباقتار بولادى. بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا قالالىق جاسىل ەكونوميكا باسقارماسىنىڭ باسشىسى ناتاليا ليۆينسكايا مالىمدەدى دەپ حابارلايدى almaty-akshamy.kz
اعاش وتىرعىزۋ «جاسىل الماتى» باعدارلاماسى اياسىندا جۇرگىزىلۋدە. ناتاليا ليۆينسكايا اتاپ وتكەندەي، اۋقىمدى اباتتاندىرۋ جۇمىستارىمەن قاتار، كوگالداندىرۋ ساياساتىنىڭ ءوزى تۇبەگەيلى وزگەردى.
«ءبىز باقىلاۋسىز وتىرعىزۋدان اعاش كۇتىمىنە، جاسىل قوردى ساۋىقتىرۋعا جانە بيوارتۇرلىلىكتى ساقتاۋعا كوشتىك. الماتىنىڭ جاسىل جەلەكتەرىن سۋلاندىرۋ ءۇشىن جاڭا سكۆاجينالار سالىندى، سۋارمالى ارىق تورابىنا ينۆەنتاريزاسيا جۇرگىزىلدى، سۋارۋ جۇمىستارى كۇشەيتىلدى»، - دەدى جاسىل ەكونوميكا باسقارماسىنىڭ باسشىسى.
ناتاليا ليۆينسكايا قالادا وتىرعىزىلعان اعاشتاردىڭ اۋقىمى كليمات پەن توپىراق قۇرامىنا بايلانىستى عىلىمي قاۋىمداستىقپەن، لاندشافت ماماندارىمەن بىرگە ىرىكتەلەتىنىن باسا ايتتى.
باسقارما ماماندارىنىڭ مالىمەتىنشە، الماتىدا 2،6 ميلليون اعاش بار، ونىڭ 23 پايىزى السىرەگەن كۇيدە.
ناتاليا ليۆينسكايا «جاسىل الماتى» باعدارلاماسىنىڭ ورىندالۋى تۋرالى ەگجەي-تەگجەيلى ايتىپ بەردى، مۇنداعى ماقسات – جاسىو جەلەكتى قالپىنا كەلتىرۋ عانا ەمەس، قالانىڭ جاسىل قورىن دامىتۋ.
«باعدارلامانىڭ ارقاسىندا قالادا 480 مىڭنان استام اعاش وتىرعىزىلدى. بيىل 350 مىڭ اعاش وتىرعىزۋ باستالدى، كوكتەمدە 64 مىڭ اعاش وتىرعىزىلدى. نەگىزگى وتىرعىزۋ وسى كۇزدە جۇرگىزىلەتىن بولادى، سەبەبى بۇل ماۋسىم وتىرعىزۋدىڭ تىرشىلىگى ءۇشىن ەڭ قولايلى بولىپ تابىلادى»، - دەدى باسقارما باسشىسى.
بۇل رەتتە جاسىل جەلەكتەردىڭ ءتىزىلىمى قالىپتاستى، وندا ءار اعاشتىڭ ەلەكتروندى پاسپورتى بار. رەەستر جاسىل قوردىڭ ساپالىق جانە ساندىق جاعدايىنىڭ ەسەبىن جۇرگىزۋگە مۇمكىندىك بەرەدى. جۇيە سونىمەن قاتار وتىرعىزۋ الاڭدارىن، ونىڭ ىشىندە وتەماقىنى باقىلاۋعا مۇمكىندىك بەرەدى. جۇيە بارلىعىنا 2021 جىلدىڭ قىركۇيەگىنەن باستاپ باسشىلىقتىڭ رەسمي سايتىندا قولجەتىمدى بولادى.
سونىمەن قاتار، اعاشتاردى ساۋىقتاندىرۋ مەن ەمدەۋ جۇمىستارى، زينياكەستەر مەن زەڭگە قارسى ءتورت رەت بيولوگيالىق وڭدەۋ قاتار جۇرگىزىلۋدە.