الماتىدا قالتا ۇرىلارى قولعا ءتۇستى

كۇدىكتىلەر قوعامدىق كولىكتەر مەن ايالدامالاردا بوگدەنىڭ مۇلكىن قولدى قىلۋدى كاسىپ قىلعان، دەپ حابارلايدى Almaty-akshamy.kz.

«كۇدىكتىلەردىڭ اراسىندا 39 جاستاعى ب.ەسىمدى ازاماتشا دا بار. ول 64 جاستاعى تانىسىمەن بىرگە قىلمىس جاساعان. iPhone تەلەفونىن ۇرلاعان ەكى ازامات الاتاۋ اۋدانىندا ۇستالدى. باسقا كۇدىكتىلەر دە ۇستالدى. بارلىق ەپيزودتاردا بوتەن ادامداردىڭ ءموبيلدى قۇرىلعىلارى كۇدىكتىلەردىڭ نىساناسىنا اينالدى. بەلگىلى بولعانداي، اشكەرەلەنگەن ازاماتتار وسىعان ۇقساس قىلمىستار جاساعانى ءۇشىن بۇرىن دا سوتتى بولعان. ولار قاماۋعا الىندى»، – دەدى الماتى قالالىق پوليسيا دەپارتامەنتى باستىعىنىڭ ورىنباسارىنىڭ مىندەتىن اتقارۋشى قۋاتبەك ناۋاتوۆ.

سونداي-اق وتكەن جىلى الماتى پوليسياسى بوتەننىڭ مۇلكىن ۇرلاعان 3 مىڭ 079 ادامدى ۇستاعانىن، قوعامدىق ورىنداردا (ساۋدا ورتالىقتارى، بازارلار، قويمالار، كومپيۋتەرلىك كلۋبتار جانە ت.ب.) جەكە مۇلكىن ۇرلاعان 119 توپتىڭ قىلمىستىق ارەكەتىنىڭ جولىن كەسكەنىن ەسكە سالادى. قازاقستان ق ر قك-نىڭ 201 بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى.

ق ر كونستيتۋسياسىنىڭ 77 بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.