الماتىدا قالتا ۇرلىعى ەكى ەسە ازايعان

مۇنداي كورسەتكىشكە جەتۋ قوعامدىق كولىكتەرگە كامەرا ورناتۋدىڭ ارقاسىندا مۇمكىن بولعان. 

بۇل تۋرالى حالىق الدىندا ەسەپ بەرگەن الماتى پوليسياسىنىڭ باسشىسى ارىستانعاني زاپپاروۆ مالىمدەدى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«تىركەلگەن قىلمىستاردىڭ جارتىسىنا جۋىعى بوتەننىڭ مۇلكىن ۇرلاۋ قىلمىسىنا جاتادى. ۇرلىقتىڭ كەيبىر نەگىزگى تۇرلەرىن اشۋدى جاقسارتۋعا قول جەتكىزدىك، اتاپ ايتقاندا: پاتەر ۇرلىعى 3،4%-عا، قالتا ۇرلىعى 4،2%-عا، اۆتوكولىك سالونىنان ۇرلىق جاساۋ 19،2%-عا، ءبۇيىر اينا ۇرلىعى 3،4%-عا ازايدى. بۇل ۇرلىققا قارسى كۇرەس بويىنشا قۇرىلعان ارنايى توپتاردىڭ ناتيجەسىندە مۇمكىن بولدى. ايتا كەتۋ كەرەك، بۇعان قوعامدىق ورىنداردا جانە قوعامدىق كولىكتەردە بەينەكامەرالار ورناتۋ دا اسەر ەتتى»، – دەدى ا.زاپپاروۆ.

پد-نىڭ مالىمەتىنشە، پوليسيانىڭ جەدەل بولىمشەلەرى 638 ۇرلىق دەرەگىن جاساعانى ءۇشىن كىنالى دەپ تانىلعان 391 ۇرىنىڭ، قوعامدىق ورىنداردا ۇرلىق جاساعان 153 توپتىڭ 136 ەپيزود جاساعانى دالەلدەنگەن، پاتەر ۇرلىعىن جاساۋمەن اينالىسقان 33 قىلمىستىق توپتىڭ قۇلىپتى بۇزۋ جانە اينەكتى سىندىرۋ ارقىلى اۆتوكولىكتەردەن ۇرلىق جاساعان 20 توپتىڭ قىلمىستىق ارەكەتىن توقتاتتى.