الماتىدا قالانىڭ ينۆەستيسيالىق تارتىمدىلىعىن ارتتىرۋ تالقىلانادى

ينۆەستفورۋم 2013 جىلدان بەرى وتكىزىلىپ كەلەدى

Almaty Investment كەزەكتى فورۋمى قارساڭىندا وڭىرلىك كوممۋنيكاسيالار قىزمەتىنىڭ بريفينگىندە ۇيىمداستىرۋشىلار ءىس-شارادا قانداي ماسەلەلەر تالقىلاناتىنى جانە وسى جىلى قانداي فورماتتا وتەتىنى تۋرالى ايتىپ بەردى، دەپ حابارلايدى Almaty-akshamy.kz

الماتى قالاسى كاسىپكەرلىك جانە ينۆەستيسيالار باسقارماسىنىڭ باسشىسى ەركەبۇلان ورازالين قالانىڭ وزەكتى ماسەلەلەرىن تالقىلاۋ ءۇشىن وسى الاڭنىڭ ماڭىزدىلىعىن اتاپ ءوتتى.

ە. ورازالين Almaty Investment – كاسىپكەرلىكتى دامىتۋ مەن قالانىڭ ينۆەستيسيالىق تارتىمدىلىعىن ارتتىرۋدى تالقىلاۋعا ارنالعان باستى ينۆەستيسيالىق فورۋم ەكەنىن ەسكە سالدى. ينۆەستفورۋم 2013 جىلدان بەرى وتكىزىلىپ كەلەدى جانە بۇكىل الەمنىڭ مەملەكەتتىك سەكتور، بيزنەس باسشىلارى مەن ينۆەستيسيالار مەن يننوۆاسيالار سالاسىنداعى جاھاندىق كوشباسشىلاردىڭ كەزدەسۋىنە ارنالعان ەكسكليۋزيۆتى الاڭ بولىپ قالا بەرەدى. بيىل فورۋم ىسكەرلىك كەڭەسپەن بىرلەسىپ ەكىنشى رەت ۇيىمداستىرىلدى.

- بيىل ينۆەستفورۋمدا الماتى ءۇشىن ستراتەگيالىق ماسەلەلەر – اگلومەراسيا، ۋرباندالۋ، سيفرلىق ترانسفورماسيا جانە ادامي كاپيتالدى ينتەگراسيالاۋ تالقىلانادى، - دەپ حابارلادى باسقارما باسشىسى.

وسى فورۋم اياسىندا قالا اكىمدەرىمەن «جاڭا جىبەك جولى مەگاقالالار» تەلەكوپىرى، قازاقستاندىق جانە شەتەلدىك كومپانيالاردىڭ ساراپشىلارى مەن ءىرى وكىلدەرىنىڭ قاتىسۋىمەن پانەلدىك پىكىرتالاستار، «جىل جوبالارى» كورمەسى وتەدى، وندا الماتى قالاسىنىڭ الدىڭعى قاتارلى جوبالارى مەن باستامالارى ۇسىنىلادى.

سونىمەن قاتار، بيىل الماتىنىڭ ىسكەرلىك كەڭەسى العاش رەت الەۋمەتتىك جوبالار كونكۋرسىنا باستاماشى بولدى، ونىڭ قورىتىندىسى بويىنشا ۇزدىكتەردى كەڭەس مۇشەلەرى مەن قالا مەسەناتتارى قارجىلاندىرادى.