«باستامالار مەن باعدارلامالاردى ىسكە اسىرۋعا نازار اۋدارۋ»: ەربولات دوسايەۆ الماتى قالاسى بويىنشا قحا سەسسياسىنا قاتىستى، دەپ حابارلايدى almaty-akshamy.kz
الماتى قالاسى بويىنشا قازاقستان حالقى اسسامبلەياسىنىڭ XXVI سەسسياسى رەسپۋبليكالىق دوستىق ۇيىندە ءوتتى. ءىس-شارا بارىسىندا اسسامبلەيا قىزمەتىنىڭ قورىتىندىلارى شىعارىلىپ، الداعى كەزەڭگە ارنالعان پەرسپەكتيۆالىق مىندەتتەر ايقىندالدى.
سەسسيا جۇمىسىنا الماتى اكىمى، الماتى قحا ءتوراعاسى ەربولات دوسايەۆ، اكىمنىڭ ورىنباسارى بەيبىت شاحانوۆ، قحا مۇشەلەرى، قحا قوعامدىق قۇرىلىمدارىنىڭ باسشىلارى، الماتى ءماسليحاتىنىڭ ءتوراعاسى مەن دەپۋتاتتارى، باسقارما باسشىلارى مەن اۋدان اكىمدەرى قاتىستى.
قالا اكىمى ەربولات دوسايەۆ قۇتتىقتاۋ ءسوز سويلەدى. مەگاپوليس باسشىسى وسى سەسسيانىڭ جۇمىسى قازاقستان رەسپۋبليكاسىنىڭ پرەزيدەنتى – قحا ءتوراعاسى قاسىم-جومارت توقايەۆتىڭ تاپسىرمالارىن ىسكە اسىرۋعا باعىتتالاتىنىن اتاپ ءوتتى.
اكىمنىڭ ورىنباسارى بەيبىت شاحانوۆ بايانداعانداي، 2024 جىلدىڭ باسىنان بەرى اسسامبلەيانىڭ ەتنومادەني بىرلەستىكتەرىنىڭ قاتىسۋىمەن جالپى سوماسى 43 ملن.تەڭگەدەن استام سوماعا 2 مىڭنان استام ادام مەن 237 وتباسىن قامتيتىن 46 قايىرىمدىلىق ءىس-شارا وتكىزىلدى.
اكىم ورىنباسارىنىڭ ايتۋىنشا، ەتنومادەني بىرلەستىكتەردىڭ ەرىكتىلەرى سۋ تاسقىنىنان زارداپ شەككەندەرگە 60 ملن.تەڭگەدەن استام سوماعا گۋمانيتارلىق كومەك جيناۋعا جانە جەتكىزۋگە بەلسەندى قاتىستى.
قاتىسۋشىلاردىڭ الدىنا مەملەكەت باسشىسى بەلگىلەگەن ءبىرقاتار مىندەتتەر قويىلدى-بۇل انالار كەڭەسى مەن اقساقالدار كەڭەسىنىڭ قىزمەتىن قولداۋ تەتىكتەرىن ىسكە اسىرۋ، قحا-نىڭ قالا اكىمدىگىمەن جانە ماسليحاتىمەن جۇمىس ىستەۋىنىڭ پارمەندى تەتىكتەرىن قۇرۋ، مەملەكەتتىك ءتىلدى دامىتۋ جانە ونى ەتنوستار اراسىندا قولدانۋدى كەڭەيتۋ، جاستارمەن جۇمىس.
«مەملەكەت باسشىسىنىڭ العا قويعان مىندەتتەرىنە سۇيەنە وتىرىپ، تۇزەتۋلەر ەنگىزۋ، قالالىق اسسامبلەيا قىزمەتىندەگى تاسىلدەردى وزگەرتۋ جانە باستامالارىمىز بەن باعدارلامالارىمىزدى ءتيىمدى ىسكە اسىرۋعا نازار اۋدارۋ قاجەت»، - دەدى ەربولات دوسايەۆ.
مەگاپوليس باسشىسى قازاقستان حالقى اسسامبلەياسىنىڭ جۇمىسىنا جاڭا سەرپىن بەرە الاتىنىن، وسىعان بايلانىستى جاس كوشباسشىلاردى قولداۋ قاجەت ەكەنىن ايتتى.
XXVI سەسسيانىڭ سوڭىندا مەگاپوليس اكىمى مەملەكەت باسشىسى قويعان مىندەتتەردى ءتيىمدى ىسكە اسىرۋ اسسامبلەيانى ودان ءارى دامىتۋ ءۇشىن قاجەتتى جاعدايلار جاساۋعا مۇمكىندىك بەرەتىنىن جانە ونىڭ الماتىداعى قوعامدىق كەلىسىم مەن جالپىۇلتتىق بىرلىكتى قامتاماسىز ەتۋدەگى ءرولىن ارتتىرۋعا ىقپال ەتەتىنىن اتاپ ءوتتى.