الماتىدا قالالىق عىلىمي-پراكتيكالىق كونفەرەنسيا بولىپ ءوتتى

الماتىدا «بمسك بويىنشا پەدياتريالىق كومەك بەرۋدىڭ وزەكتى ماسەلەلەرى» اتتى حالىقارالىق ۇيىمدار مەن ماماندار قاتىسقان قالالىق عىلىمي-پراكتيكالىق كونفەرەنسيا بولىپ ءوتتى، دەپ حابارلايدى اlmaty-akshamy.kz.   
 
جەتىسۋ اۋدانىنداعى №11 قالالىق ەمحانا بازاسىندا «بمسك بويىنشا پەدياتريالىق كومەك بەرۋدىڭ وزەكتى ماسەلەلەرى» تاقىرىبىنداعى حالىقارالىق ۇيىمدار مەن ماماندار قاتىسقان قالالىق عىلىمي-پراكتيكالىق كونفەرەنسيا بولدى. حالىقارالىق بالالاردى قورعاۋ كۇنىنە قاراي ورايلاستىرىلعان ءىس-شارانى №11 قالالىق ەمحانا، «س.د. اسفەندياروۆ اتىنداعى قازۇمۋ» ۇاق امبۋلاتوريا-كلينيكالىق كومەك كافەدراسى جانە سامارقاند مەديسينا ۋنيۆەرسيتەتىنىڭ (سامارقاند، وزبەكستان) 1 پەدياتريا جانە نەوناتولوگيا كافەدراسى ۇيىمداستىردى.   
 
كونفەرەنسياعا جەتىسۋ اۋدانىنىڭ دارىگەر-پەدياترلارى، جالپى تاجىريبە  دارىگەرلەرى (№11 قە، №21 قە، «قۇلاگەر» بسمك)، رەزيدەنتتەر جانە جوعارىدا ايتىلىپ وتكەن كافەدرالاردىڭ پروفەسسور-وقىتۋشى قۇرامى قاتىستى. قاتىسۋشىلار بمسك ساي بالالارعا بەرىلەتىن پۋلمونولوگيالىق، كارديولوگيالىق جانە ەندوكرينولوگيالىق كومەكتىڭ ماڭىزدى دەگەن تۇستارىن تالقىلادى.  
 
ديرەكتوردىڭ بالالار جانە اكۋشەرلىك ءىس جونىندەگى ورىنباسارى الماش اردابايەۆا ءىس-شارانىڭ مودەراتورى بولدى. ول كىسى پراكتيكالىق دەنساۋلىق ساقتاۋ ىسىنە ءبىلىم بەرۋ ۇدەرىسىنىڭ كىرىگۋىنىڭ ماڭىزدىلىعىنا ءمان بەرىپ، №11 قالالىق ەمحانانىڭ «س.د. اسفەندياروۆ اتىنداعى قازۇمۋ» ۇاق كلينيكالىق كافەدرالارىمەن تالاي جىلدان بەرگى ىنتىماقتاستىعى جالعاسىپ كەلە جاتقانىن اتاپ ءوتتى. بۇل ىنتىماقتاستىق جوعارى وقۋ ورىندارىنىڭ پروفەسسور-وقىتۋشى قۇرامىنىڭ جيناعان مول  كلينيكالىق تاجىريبەسىن  پراكتيكالىق دەنساۋلىق ساقتاۋ جۇيەسىنە ەنگىزۋگە مۇمكىندىك بەرەدى.  
 
امبۋلاتوريا-پوليكلينيكالىق پەدياتريا كافەدراسىنىڭ مەڭگەرۋشىسى، م.ع.د. روزا سەيسەبايەۆا العىسىن ايتىپ، ەمحانامەن جانە باسقا دا پراكتيكالىق دەنساۋلىق ساقتاۋ ۇيىمدارىمەن كەڭەسي جانە ءبىلىمي تۇرعىدا كومەك بەرۋدە ارى قارايعى تىعىز ىنتىماقتاستىققا دايىن  ەكەنىن ءبىلدىردى.   
 
كونفەرەنسيا بارىسىندا ءار الۋان اۋرۋلارى، ونىڭ ىشىندە برونحوكپە ديسپلازياسى، بوي وسپەۋشىلىك، تىنىس الۋ جوللارىنىڭ سوزىلمالى اۋرۋلارى (جاب)، جەدەل رەسپيراتورلى ۆيرۋستى ينفەكسيا (جرۆي)، پنيەۆمونيا جانە ميوكارديت اۋرۋلارى بار بالالاردى دياگنوستيكالاۋ، ەمدەۋ جانە ديسپانسەريزاسيالاۋ ماسەلەلەرى دە شەت قالمادى. گيپوفوستازيا سياقتى زات الماسۋداعى بۇزىلىستاردى جانە بوي وسپەۋشىلىكتى ەرتەرەك دياگنوستيكالاۋ ماسەلەسىنە ايرىقشا نازار اۋدارىلدى.  
 
برونحوكپە ديسپلازياسىنا شالدىققان شالا تۋعان بالالاردى وڭالتۋ پروبلەمالارىنا، ولاردى ەمدەۋ تاكتيكاسىنا، امبۋلاتوريا جاعدايىندا وڭالتۋ جانە ديسپانسەرلىك باقىلاۋعا كوپ كوڭىل ءبولىندى. كاتامنەستيكا كابينەتى مەن يممۋندىق دارىلەر ارقىلى ارنايى الدىن الۋ شارالارى تالقىعا ءتۇستى.  
 
سامارقاند مەملەكەتتىك مەديسينا ۋنيۆەرسيتەتىنەن كەلگەن قوناقتار ءجيى جانە ارا-تۇرا اۋىرىپ تۇراتىن بالالار، سونداي-اق پنيەۆمونياعا شالدىققان، ميوكارديتتەرى اسقانعان بالالار ءۇشىن ەم-دياگنوستيكا  پروبلەمالارىن تالقىعا سالدى.  سامممۋ امبۋلاتوريا-پوليكلينيكالىق پەدياتريا كافەدراسى مەن 1 پەدياتريا جانە نەوناتولوگيا كافەدراسىنىڭ قىزمەتكەرلەرى رەسپيراتورلىق تراكت، ەندوكرين جانە جۇرەك-قان تامىر پاتولوگياسى بار بالالاردى قابىلداپ، كەڭەس بەردى.   
 
الۋان ءتۇرلى باعىتتار بويىنشا باياندامالار جاسالىپ، ءارتۇرلى شارالارعا تولى بولعان كونفەرەنسيا  بمسك جاعدايىندا بالالار اۋرۋلارىن دياگنوستيكالاۋ مەن ەمدەۋدەگى ءبىرىڭعاي مۋلتيسالالىق ادىس-تاسىلدەر جۇيەسىن تۇزۋگە سەپتىگىن تيگىزدى. بۇل ءىس-شارا وعان قاتىسۋشىلاردىڭ  ءبىلىمىن مولايتىپ قانا قويماي، پەدياتريالىق كومەك سالاسىنداعى حالىقارالىق ىنتىماقتاستىقتى دا نىعايتا ءتۇستى - بۇنىڭ بالالارعا ارنالعان مەديسينالىق قىزمەت تۇرلەرىنىڭ ساپاسىن ارتتىرۋعا وڭدى اسەر ەتەرى ءسوزسىز.