الماتىلىقتار «تازا قازاقستان» باعدارلاماسىنا بەلسەندى قاتىسۋدى جالعاستىرۋدا.
مۇنىڭ تاعى ءبىر دالەلى-تانىمال قازاقستاندىق ورىنداۋشى ءسادرادديننىڭ جەكە كونسەرتىنەن كەيىن قالا تۇرعىندارىنىڭ ورتالىق ستاديون اۋماعىن تازالاۋعا جاپپاي قاتىسۋى بولدى، دەپ حابارلايدى aqshamnews.kz.
ءىس-شارا سوڭىندا ورىنداۋشىنىڭ ءوزى كورەرمەندەردى كونسەرتتەن كەيىن تازالىقتى ساقتاۋعا شاقىردى.
«قالا كۇنىمەن قۇتتىقتايمىن! سۇيىكتى قالامىزدى قورعاپ، ونىڭ تازالىعىن ساقتايىق»، - دەدى ول بارلىق قاتىسۋشىلارعا.
ورتالىق ستاديوننىڭ اۋماعىن تازالاۋعا الماتى جاستارى دا قاتىستى. مۇندا 300-گە جۋىق ەرىكتىلەر قاتىستى. جاستار قوقىستى جيناپ، كونتەينەرلەرگە تاستادى.
«قالاعا دەگەن سۇيىسپەنشىلىك تابيعاتقا دەگەن سۇيىسپەنشىلىكتەن باستالادى. وسىلايشا ءبىز ورتاق ءۇيىمىزدىڭ ادەمى كورىنىسىن بارىنشا ساقتاي الامىز! ءبىز كوپپىز، ال قالا جالعىز. اركىم ءوزىنىڭ ورتاق ۇيىنە قامقورلىق جاساعاندا، قالانىڭ سۇلۋلىعى مەن جايلىلىعى ساقتالادى. تابيعات پەن قالانىڭ ۇيلەسىمدىلىگى ءارقايسىمىزدىڭ قولىمىزدا. كىشكەنتاي قادامدار مەن جاۋاپكەرشىلىكپەن ءبىز قالا ءومىرىنىڭ ساپاسىن جاقسارتا الامىز، سونىمەن قاتار تابيعاتقا دەگەن سۇيىسپەنشىلىگىمىزدى كورسەتە الامىز. ءبىزدىڭ ءارقايسىمىزدىڭ ءىس — ارەكەتىمىز قالامىزدىڭ بولاشاعىنا ۇلكەن اسەر ەتەدى»، - دەدى ءوز سوزىندە الماتىلىق ەرىكتى ەلدار بايعابىلوۆ.
بۇل باستاما قالانى تازا ۇستاپ قانا قويماي، جاس ۇرپاقتىڭ الەۋمەتتىك جاۋاپكەرشىلىگىن ارتتىرادى. الماتىنىڭ تۇرعىندارى مەن قوناقتارى مۇنداي باستامانى جوعارى باعالاپ، ولارعا قولداۋ ءبىلدىردى.
ەستەرىڭىزگە سالا كەتەيىك، بۇل مۇنداي العاشقى اكسيا ەمەس. 14 قىركۇيەكتە استانا الاڭىنداعى كونسەرتتىك باعدارلاما اياقتالعاننان كەيىن مەگاپوليستىڭ تۇرعىندارى مەن قوناقتارى ۇيىمداستىرۋشىلاردىڭ شاقىرۋىنا بەلسەندى جاۋاپ بەرىپ، قوقىستى تازارتۋعا كومەكتەسكەن ەدى.