قالا كۇنىن مەرەكەلەۋ قارساڭىندا الماتىدا كوپپاتەرلى تۇرعىن ۇيلەردىڭ اۋلالارىنىڭ، كوشەدەگى قوقىس جاشىكتەرىنىڭ جانە ارىق جەلىسىنىڭ اۋماعىنداعى قوقىستاردى تازالاۋ بويىنشا اۋقىمدى جۇمىستار جۇرگىزىلءىپ جاتىر، دەپ حابارلايدى aqshamnews.kz
اۋلا ىشىندەگى اۋماقتاردا قوقىس كونتەينەرلەرىءنىڭ تەز تولۋى جىلى كەزدە ءىرى مەگاپوليستىڭ وزەكتى ماسەلەسى. «تازا قازاقستان» باعدارلاماسى اياسىندا قالادا 700-دەن استام كونتەينەرلىك الاڭدى سانيتارلىق وڭدەۋ، جۋۋ، زالالسىزداندىرۋ، 24 747 كوشە جانە اۋلانىڭ قوقىس جاشىكتەرىن تازارتۋ جۇمىستارى جۇرگىزىلەدى.
اۋلا اۋماقتارىنىڭ سانيتارلىق جانە ەستەتيكالىق جاي-كۇيىن قامتاماسىز ەتۋ ماقساتىندا قولدانىستاعى كونتەينەرلىك الاڭداردى جاڭعىرتۋ جانە تەرەڭدەتىلە كومىلگەن ۇلگىدەگى كونتەينەرلەرگە اۋىستىرۋ جۇمىستارى جالعاسىپ وتىر. 2024-2025 جىلدارى 2 مىڭنان استام جاڭا كونتەينەر ورناتۋ جوسپارلانعان.
تەرەڭدەتىلە كومىلگەن تيپتەگى كونتەينەرلەرءدىڭ نەگىزگى ارتىقشىلىعى، ەستەتيكالىق كورىنىس، قۇرىلىس الاڭىنداعى اۋدانداردىڭ قىسقارۋى، جاعىمسىز ءيىستىڭ بولماۋى، قۇستار مەن بۇرالقى جانۋارلاردىڭ كىرۋىنە توسقاۋىل قويۋ.
بۇعان قوسا، الماتى قالاسىنىڭ ەكولوگيا جانە قورشاعان ورتا باسقارماسى الماتى قالاسىنىڭ پوليسيا دەپارتامەنتىمەن بىرلەسىپ، ءىرى كولەمدى قوقىستاردى شىعارۋ بولىگىندە كورىكتەندىرۋ ەرەجەسءىن بۇزۋشىلاردى انىقتاۋ بويىنشا رەيدتىك ءىس-شارالار جۇرگىزۋدە. ءبىر ايدىڭ ىشىندە قالادا 16 بۇزۋشى انىقتالدى، ولارعا قولدانىستاعى زاڭناماعا سايكەس ەسكەرتۋ مەن ايىپپۇل جازىلدى.
ەستەرىڭىزگە سالا كەتەيىك، قالا كۇنى قارساڭىندا الماتىدا تازالىق اپتالىعى ءوتءىپ جاتىر. 9-13 قىركۇيەك ارالىعىندا «الماتى – ءبىزدىڭ ورتاق ءۇيىمىز» قالالىق ناۋقانى جانە «تازا قازاقستان» رەسپۋبليكالىق باعدارلاماسى اياسىندا كوشەلەردى جيناۋ، قالالىق ينفراقۇرىلىمدى، اۋلا اۋماقتارىن، بالالار الاڭدارىن، سۋبۇرقاقتاردى، وزەندەر مەن سۋ ايدىندارىنىڭ جاعالاۋىن، ساياباقتاردى، سكۆەرلەر مەن تاۋ بوكتەرىن رەتكە كەلتىرۋ بويىنشا اۋقىمدى جۇمىس جۇرگىزىلەدى.