الماتىداعى جەڭىستىڭ 80 جىلدىعىنا وراي ۇوس ارداگەرلەرى مەن تىل ەڭبەككەرلەرىنە تولەم كوبەيتىلەدى
الماتى قالالىق ءماسليحاتىنىڭ VIII شاقىرىلىمىنىڭ كەزەكتەن تىس XXIX سەسسياسىندا دەپۋتاتتار قالا اكىمى ەربولات دوسايەۆتىڭ ۇلى وتان سوعىسىنىڭ 80 جىلدىعىنا وراي ارداگەرلەرگە بەرىلەتىن ءبىرجولعى تولەم مولشەرىن 5 ميلليون تەڭگەگە دەيىن ۇلعايتۋ تۋرالى باستاماسىن قولدادى.
بۇل الەۋمەتتىك قولداۋ شاراسى ۇلى وتان سوعىسىنىڭ ارداگەرلەرىنە عانا قاتىستى (ۇوس قاتىسۋشىلاردىڭ، مۇگەدەكتەردىڭ).
سونداي-اق، دەپۋتاتتار ەربولات دوسايەۆتىڭ تىل ەڭبەككەرلەرىنە بەرىلەتىن تولەمدى 100 مىڭ تەڭگەگە دەيىن ارتتىرۋ تۋرالى ۇسىنىسىن ماقۇلدادى.
«الماتى قالاسىنىڭ اكىمى ەربولات دوسايەۆتىڭ تاپسىرماسىنا سايكەس، ۇلى وتان سوعىسىنداعى جەڭىستىڭ 80 جىلدىعىندا ءبىرجولعى الەۋمەتتىك كومەكتىڭ مولشەرى ارتتىرىلادى: 21 ۇوس ارداگەرىنە – 1 ميلليوننان 5 ميلليون تەڭگەگە دەيىن، 6 149 تىل ەڭبەككەرىنە – 50 مىڭنان 100 مىڭ تەڭگەگە دەيىن»، – دەپ ءتۇسىندىردى الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى باۋرجان جاۋباسوۆ.
شەشىمدى بارلىق دەپۋتاتتار ءبىراۋىزدان قولدادى.
تولەمدى قالانىڭ اۋدان اكىمدىكتەرى «ازاماتتارعا ارنالعان ۇكىمەت» مەملەكەتتىك كورپوراسياسى» كەاق-نىڭ الماتى قالاسى بويىنشا ەكىنشى دەڭگەيدەگى بانكتەردەگى شوتتارىنا بەرگەن تىزىمدەرىنە سايكەس ءوتىنىشتى تالاپ ەتپەي اۋدارادى.
ايتا كەتەيىك، بۇگىندە الماتىدا ۇلى وتان سوعىسىنىڭ 21 ارداگەرى مەن 6149 تىل ەڭبەككەرى تۇرادى.