نازاربايەۆ داڭعىلى مەن قاجىمۇقان كوشەسىنىڭ ءبىر بولىگىنە جوندەۋ جۇرگىزۋگە بايلانىستى قوزعالىسقا ۋاقىتشا شەكتەۋ ەنگىزىلەدى، دەپ حابارلايدى aqshamnews.kz.
1-ۋچاسكە:
30 قازاندا ساعات 10.00-دەن 15.00-گە دەيىن قاجىمۇقان كوشەسىنىڭ 22-ۇيىنەن نازاربايەۆ داڭعىلىنا دەيىنگى ۋچاسكەدە قوزعالىس جابىلادى. بۇل اۋماقتى دوستىق داڭعىلى مەن س. بايجانوۆ كوشەسى ارقىلى اينالىپ وتۋگە بولادى. 
2-ۋچاسكە:
30 قازاندا ساعات 15.00-دەن 23.00-گە دەيىن نازاربايەۆ داڭعىلىنىڭ قاجىمۇقان كوشەسىنەن ءال-فارابي داڭعىلىنا دەيىنگى ۋچاسكەسىندە قوزعالىس جابىلادى. بۇل اۋماقتى قاجىمۇقان، مەڭدىقۇلوۆ جانە دوستىق داڭعىلدارى ارقىلى اينالىپ وتۋگە بولادى.
جوندەلەتىن اۋماقتا ەسكەرتۋ بەلگىلەرى، مەردىگەر ۇيىم باسشىسىنىڭ بايلانىس ءنومىرى جازىلعان ستەندتەر قويىلادى. مارشرۋتىڭىزدى الدىن الا جوسپارلاپ الۋىڭىزدى سۇرايمىز.
ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram ارناسىندا، اۋداندىق اكىمدىكتەر مەن باسقارمالاردىڭ الەۋمەتتىك جەلىسىندە، سونداي-اق 2GIS پەن «ياندەكس كارتالار» سەرۆيسىندە جاريالانعان.