الماتىدا قايىرىمدىلىق مۋزىكالىق جارىسى ءوتتى

الماتىدا قالا كۇنىن مەرەكەلەۋ اياسىندا جىل سايىنعى "Charity Music Run" قايىرىمدىلىق مۋزىكالىق جارىس ۇيىمداستىرىلدى، دەپ حابارلايدى Almaty-akshamy.kz.

قاتىسۋشىلار ءار ءتۇرلى قاشىقتىقتا كۇش سىنادى. دالىرەك 7-14 جاس ارالىعىنداعى بالالار ءۇشىن 2 شاقىرىم، 15 جاستان باستاپ - 10 شاقىرىم، 21 شاقىرىم جانە سكانديناۆيالىق ءجۇرۋ. قاتىسۋشىلاردان جانە دەمەۋشىلەردەن جينالعان بارلىق قاراجات پەدياتريا جانە بالالار حيرۋرگياسى عىلىمي ورتالىعىنىڭ (ءپاو) رەانيماسيا ءبولىمىن جابدىقتاۋعا جۇمسالادى.
ءىس-شاراعا بايلانىستى ءىشىنارا جول جابۋ جوسپارلانعان بولاتىن. ناقتىراق، ح.دوسپانوۆا كوشەسى جانە رىسقۇلوۆ داڭعىلى، ف.وڭعارسىنوۆا كوشەسىنەن ح.دوسپانوۆا كوشەسىنە دەيىنگى بولىگىندە كولىك جۇرۋگە ۋاقىتشا شەكتەلدى.

«Brief running» كومانداسىندا جاتتىعامىن. مەنىڭ جاتتىقتىرۋشىم ءمادي ءايتىموۆ جۇگىرۋدە ساقتالاتىن ءاربىر قيمىل قوزعالىستى، قالاي ۇستاۋ كەرەكتىگىن اسا ىجداھاتتىلىقپەن ۇيرەتتى. سونىڭ ارقاسىندا 1-ورىن الدىم. شارانى ۇيىمداستىرۋشىلارعا العىسىم شەكسىز»، - دەدى مارافون جەڭىمپازى ءقادىرقۇل ءدىلبار.

سونىمەن قاتار، مارافونعا  ارنايى دايىندالعان تاعى ءبىر ءقاتىسۋشىنىڭ وي-پىكىرىن بىلگەن ەدىك. ايتا كەتۋ، بۇل ازاماتتا دايىندىعىنىڭ ارقاسىندا جۇلدەلى ورىننان كورىنىپ، 1 ورىندى جەڭىپ الدى.

«الماتىداعى جۇگىرۋ جارىستارىنىڭ بارلىعىنا تۇراقتى قاتىسۋشىمىن. ءوزىمنىڭ «Fast run» كلۋبىم بار. ىندەت كەزىندە جۇگىرۋدى ابدەن اڭسادىق. ءبىز ءارقاشاندا سالاۋاتتى ءومىر سالتىن ۇستانىپ، اقجارقىن كوڭىل-كۇيمەن ءومىر ءسۇرۋ قاعيداسىن ۇستانامىز»، - دەدى شارا جەڭىمپازى الماس راحيمبايەۆ.