بۇگىن الماتىدا الماتىلىق «قايرات» فۋتبول كلۋبى مەن كيپرلىك «پافوس» كومانداسى اراسىندا چەمپيوندار ليگاسىنىڭ جالپى كەزەڭىنىڭ ماچى وتەدى، دەپ حابارلايدى aqshamnews.kz
سپورتتىق ءىس-شارا قارساڭىندا قالانىڭ كوممۋنالدىق قىزمەتى شاھار تۇرعىندارى مەن قوناقتارىنا جايلى جاعداي جاساۋ، تازالىق پەن ءتارتىپتى قامتاماسىز ەتۋ ماقساتىندا جۇمىسىن كۇشەيتتى.
كوممۋنالدىق ينفراقۇرىلىم جانە تۇرعىن ءۇي ساياساتى باسقارماسىنىڭ مالىمەتىنشە، ورتالىق ستاديون ماڭىنداعى اۋماقتاردا قولمەن تازالاۋ جۇمىستارى كۇشەيتىلىپ، كولەمى 360 ليتر بولاتىن قوسىمشا 70 قوقىس كونتەينەرى ورناتىلدى.
تازالىقتى ساقتاۋ جۇمىستارىنا 200 قىزمەتكەر مەن 40 ارنايى تەحنيكا تارتىلعان. قىزمەتكەرلەر ەكى اۋىسىمدا جۇمىس ىستەيدى.
ءبىرىنشى اۋىسىم (12:00-18:00):
* ساتبايەۆ كوشەسى – 20 ادام
* اباي داڭعىلى – 20 ادام
* بايتۇرسىنوۆ كوشەسى – 20 ادام
* ستاديون اينالاسى – 40 ادام
بارلىعى: 100 ادام جانە 40 تەحنيكا.
ەكىنشى اۋىسىم (18:00-00:00) قۇرامىندا دا وسىنداي كولەمدە قىزمەتكەر مەن تەحنيكا بار. جۇمىستى «الماتى تازالىق» مەملەكەتتىك كوممۋنالدىق كاسىپورنىنىڭ ماماندارى اتقارىپ، تاۋلىك بويى كەزەكشىلىك ۇيىمداستىرىلعان. ماچ اياقتالعان سوڭ ارنايى بريگادالار جەدەل تۇردە اۋماقتى تازالاپ، قوقىستى شىعارىپ، قالا كوشەلەرىندە ءتارتىپ پەن تازالىق ورناتادى. قالا قىزمەتتەرى جانكۇيەرلەردى تازالىق ساقتاۋعا، قالا ينفراقۇرىلىمىنا قۇرمەتپەن قاراۋعا، سپورت مەرەكەسىن بىرگە قولداۋعا شاقىرادى.