الماتىدا جول جوندەۋ جۇمىستارىنىڭ بارىسى تۋرالى حابارلاندى
اباي بويىنشا تىلەندييەۆتەن روزىباكييەۆكە دەيىنگى قوزعالىس اشىلادى، ءال-فارابي جانە اباي داڭعىلدارى بويىنشا ءبىرقاتار ۋچاسكەلەر بويىنشا قوزعالىس ۋاقىتشا شەكتەلەدى.
الماتىدا جول جوندەۋ جۇمىستارى جالعاسۋدا، ونىڭ اياقتالۋى بويىنشا جولداردىڭ جاقسى جانە قاناعاتتانارلىق جاعدايداعى ۇلەسى اعىمداعى 86%-دان 89%-عا دەيىن ۇلعايادى.
ءال-فارابي داڭعىلى بويىنشا
قولايلى اۋا رايى جاعدايىندا اسفالتبەتون توسەمىنىڭ توسەلۋىنە بايلانىستى 10 شىلدەدە ساعات 22:00-دەن 13 شىلدەدە ساعات 06:00-گە دەيىن كۇندىزگى جانە تۇنگى ۋاقىتتا جاروكوۆ كوشەسىنەن جاقسىلىق ۇشكەمپىروۆ كوشەسىنە دەيىن شىعىس باعىتتا ءال-فارابي داڭعىلىنىڭ بويىمەن قوزعالىس تولىعىمەن جابىلادى. اينالما جول جاروكوۆ، تيميريازيەۆ، سەيفۋللين كوشەلەرىمەن قامتاماسىز ەتىلەدى.
اباي داڭعىلى بويىنشا
قولايلى اۋا-رايى جاعدايىندا 9 شىلدە ساعات 21:00-دەن 11 شىلدە كۇنى تاڭعى 6:00-گە دەيىن اباي داڭعىلىمەن نازاربايەۆ داڭعىلىنان ناۋرىزباي باتىر كوشەسىنە دەيىن اسفالتبەتون توسەۋگە بايلانىستى كولىك قۇرالدارىنىڭ قوزعالىسىن تولىق جابۋ جوسپارلانۋدا. اينالما جول قۇرمانعازى، ساتبايەۆ كوشەلەرى، نازاربايەۆ داڭعىلى، سەيفۋللين داڭعىلى بويىنشا قامتاماسىز ەتىلەدى.
سونداي-اق، 10 شىلدەدە تاڭعى ساعات 06:00-دەن باستاپ تىلەندييەۆ كوشەسىنەن روزىباكييەۆ كوشەسىنە دەيىنگى ۋچاسكەدە اباي داڭعىلى بويىنشا قوزعالىس اشىلاتىنىن حابارلايمىز، وندا پوليمەراسفالتبەتوندى پايدالانا وتىرىپ ورتاشا جوندەۋ اياقتالدى. بۇل پوليمەرلەر جولعا جانە جارىققا، بيتۋمدى جۋۋعا توزىمدىلىكتى ارتتىرادى، سونىمەن قاتار جول توسەمىنىڭ قىزمەت ەتۋ مەرزىمىن ۇزارتادى، اسفالتبەتون توسەمىنىڭ بەرىكتىگى مەن ايازعا توزىمدىلىگىن ارتتىرادى.
ەسكە سالساق، بۇعان دەيىن دوستىق داڭعىلىنان نازاربايەۆ داڭعىلىنا دەيىنگى ۋچاسكەدە اباي داڭعىلىندا، سونداي-اق تورايعىروۆ كوشەسىندەگى جولايرىعىنان جاروكوۆ كوشەسىنە دەيىنگى ءال-فارابي داڭعىلىندا جوندەۋ جۇمىستارى اياقتالعان بولاتىن.
جوندەۋ جۇمىستارى 2023 جىلعا جوسپارلانعان جۇمىستار اياسىندا جۇرگىزىلۋدە. ۋاقىتشا قولايسىزدىقتار ءۇشىن كەشىرىم سۇرايمىز. بۇل قالانىڭ جولدارى بىزگە ۇزاعىراق قىزمەت ەتۋى ءۇشىن قاجەتتى شارا. باعىتتارىڭىزدى الدىن الا بەلگىلەپ الۋدى وتىنەمىز.
الماتى قالاسى قالالىق موبيلدىلىك باسقارماسى