تاريف 1 مىڭ تەكشە مەتر ءۇشىن 6 362،77 تەڭگەدەن 5 999،08 تەڭگەگە دەيىن ارزاندادى.
الماتى قالاسىنىڭ پروكۋراتۋراسى "APL Construction" جشس-دە بەكىتىلگەن تاريفتىك سمەتانىڭ بۇزىلۋىن انىقتادى، دەپ حابارلايدى Almaty-akshamy.kz
ۆەدومستو مالىمەتىنشە، سونداي-اق گازبەن جابدىقتاۋ جەلىلەرىنە قوسىلۋ كەزىندە ۇستەم جاعدايدى تەرىس پايدالانۋ دەرەكتەرى تىركەلگەن.
"قالا پروكۋراتۋراسىنىڭ قاداعالاۋ اكتىسى بويىنشا تاريف 1 مىڭ م3 ءۇشىن 6 362،77 تەڭگەدەن 5 999،08 تەڭگەگە دەيىن تومەندەتىلدى (5،7% - عا)، 184 ملن. تەڭگە سوماسىنا وتەمدىك تاريف ەنگىزىلدى، سونداي-اق مونوپوليست اكىمشىلىك قۇقىقبۇزۋشىلىق تۋرالى كودەكستىڭ 159-بابى 3-1 جانە 164-بولىگى 4-بولىگى بويىنشا جاۋاپكەرشىلىككە تارتىلدى جانە 78 ملن.تەڭگە ايىپپۇل ءوندىرىلدى"، - دەلىنگەن حابارلامادا.
قابىلدانعان شارالار ارقىلى ەڭبەكشىقازاق جانە پانفيلوۆ اۋداندارىنىڭ 11 مىڭ تۇتىنۋشىلارىنىڭ قۇقىقتارى قورعالدى، ولاردىڭ 300-دەن استامى - كاسىپكەرلەر.