الماتى قالاسىنداعى ناۋرىزباي اۋدانى – سوڭعى كەزدە جاڭا شاعىن اۋداندارمەن تولىعىپ كەلە جاتقان كولەمدى اۋدان.
اۋدان تۇرعىندارىنىڭ سانى دا جىلدان جىلعا ءوسىپ كەلەدى. جۋىردا الماتى قالاسى، الماتى جانە جەتىسۋ وبلىستارى بويىنشا قاجد ناۋرىزباي اۋداندىق پروباسيا قىزمەتى ءبولىمىنىڭ ماماندارى ناۋرىزباي اۋداندىق پروكۋراتۋراسىمەن جانە ناۋرىزباي اۋداندىق اكىمدىگىمەن بىرلەسىپ پروباسيا كىزمەتىنىڭ ەسەبىندە تۇرعان سوتتالعاندارعا تەكسەرۋ جۇرگىزدى، دەپ حابارلايدى Almaty-akshamy.kz Polisia.kz-كە cىلتەمە جاساپ.
"ناۋرىزباي اۋدانى بويىنشا بارلىعى 270 سوتتالعان پروباسيا باقىلاۋىنا الىنعان. سوتتالعاندار اراسىندا ەڭ ءجيى كەزدەسەتىن قۇقىق بۇزۋشىلىق – بەلگىلەنگەن ۋاقىتتا تۇرعىلىقتى مەكەنجايىندا بولماۋ. سوعان بايلانىستى پروباسيا قىزمەتىنىڭ ينسپەكتورلارى ءجيى تەكسەرۋ جۇمىستارىن جۇرگىزەدى. وسى جولى پروكۋراتۋرا جانە اكىمدىك قىزمەتكەرلەرىمەن بىرگە جۇرگىزىلگەن تەكسەرۋ بارىسىندا 3 سوتتالعان تۇرعىلىقتى مەكەنجايىندا بولماي شىقتى. ولاردىڭ ۇشەۋىنە دە باس بوستاندىعىن شەكتەۋ جازاسىن باس بوستاندىعىنان ايىرۋ جازاسىنا اۋىستىرىلاتىنى جونىندە ەسكەرتۋ جاريالاندى. جىل باسىنان بەرى قوعامدىق جۇمىسقا سوتتالعان 2 ادام پروباسيالىق باقىلاۋ ءتارتىبىن بۇزعانى ءۇشىن باس بوستاندىعىنان ايىرۋ جازاسىنا اۋىستىرىلدى"، – دەيدى ناۋرىزباي اۋداندىق پروباسيا قىزمەتى ءبولىمىنىڭ ينسپەكتورى تۇرسىنعازى تىلەۋبەك.