الماتى قالاسىنىڭ ورتالىق قالالىق كلينيكالىق اۋرۋحاناسىندا پوليتراۆما جانە اۋىر جامباس جاراقاتتارى بار ناۋقاستاردى ەمدەۋ تاكتيكاسىنا ارنالعان حالىقارالىق ماستەر-كلاسس ءوتتى.
ءبىر كۇنگە وقكا قازاقستان، گەرمانيا جانە رەسەي ماماندارى ءۇشىن الدىڭعى قاتارلى تاسىلدەر مەن پراكتيكالىق داعدىلار الماسۋعا ارنالعان الاڭعا اينالدى، - دەپ حابارلايدى Aqshamnews.kz.
وقۋ پروسەسىنە تراۆماتولوگتار، حيرۋرگتار، انەستەزيولوگتار جانە ۋدز-دياگنوستيكا ماماندارى قاتىستى. پروكتورلار رەتىندە تانىمال ساراپشىلار - گامبۋرگتەن گلەب كوروبۋشكين (گەرمانيا) جانە ماسكەۋدەن حيرۋرگ الەكساندر سموليار شاقىرىلدى.
تەوريالىق ءبولىم مازمۇندى ءارى اقپاراتقا تولى بولدى. گلەب كوروبۋشكين پوليتراۆما كەزىندە ناۋقاستاردى جۇرگىزۋدىڭ زاماناۋي قاعيداتتارى تۋرالى ايتىپ، كوماندالىق جۇمىستىڭ جانە ۋاقتىلى ارالاسۋدىڭ ماڭىزىن اتاپ ءوتتى. الەكساندر سموليار Damage Control Surgery تاكتيكاسىن ۇسىندى، Total Early Care، Damage Control جانە Safe Definitive Surgery تاسىلدەرىن ەگجەي-تەگجەيلى ءتۇسىندىرىپ، ادىستەردى كلينيكالىق مىسالدار ارقىلى كورسەتتى.
پراكتيكالىق ءبولىم ماستەر-كلاسستىڭ نەگىزگى بولىگىنە اينالدى. قاتىسۋشىلار جامباسقا بانداج سالۋ ارقىلى تۇراقتاندىرۋدى، ۋدز اپپاراتىندا FAST پروتوكولىن، انف قولدانۋ داعدىلارىن، قىناپ ىشىلىك تامپونادا ەلەمەنتتەرىن، سونداي-اق جامباس ارتقى بولىكتەرىن بەكىتۋدىڭ زاماناۋي ادىستەرىن مەڭگەردى. مۇنداي فورمات دارىگەرلەرگە جاڭا تاسىلدەردى تەك تىڭداپ قانا قويماي، شىنايى جاعدايعا بارىنشا جاقىن ورتادا تاجىريبەدە سىناۋعا مۇمكىندىك بەردى.
وقكا تراۆماتولوگيا ءبولىمىنىڭ مەڭگەرۋشىسى بەرىك يرعالييەۆيچ شارانىڭ ماڭىزدىلىعىن اتاپ ءوتتى:
«ءبىزدىڭ ستاسيوناردا اۋىر جاراقات العان ناۋقاستارعا شۇعىل كومەك كورسەتۋ بويىنشا ماستەر-كلاسس ءوتىپ جاتىر. ءبىز ماسكەۋ مەن گەرمانيادان كەلگەن ارىپتەستەرىمىزدى قۋانا قارسى الامىز. ءىس-شارا مازمۇندى ءارى پايدالى بولاتىنىنا سەنىمدىمىز، جانە تاجىريبە الماسۋعا دايىن سەرىكتەستەرىمىزگە العىس ايتامىز. الىنعان بارلىق ءبىلىمدى مىندەتتى تۇردە تاجىريبەگە ەنگىزەمىز».
ءىس-شارا سوڭىندا ماماندار پوليتراۆمانى ەمدەۋدىڭ نەگىزگى اسپەكتىلەرىن تالقىلاپ، تاجىريبە الماستى جانە زاماناۋي الگوريتمدەردى قولدانۋ بويىنشا ۇسىنىستار الدى. بۇل ءوز كەزەگىندە اۋىر جاراقات العان ناۋقاستارعا كورسەتىلەتىن كومەكتىڭ ساپاسىن جاقسارتۋعا مۇمكىندىك بەرەدى.