«پوليسيانىڭ سەرۆيستىك ورتالىقتارى» جوباسىن ىسكە اسىرۋ تەتىگى مەن ادىستەرىن الماتى اكىمى ەربولات دوسايەۆ، ءىىم باسشىسى مارات احمەتجانوۆ، ىشكى ىستەر مينيسترلىگىنىڭ جانە قالالىق پوليسيا دەپارتامەنتىنىڭ وكىلدەرى تالقىلادى.
سەرۆيستىك مودەلدىڭ نەگىزگى قاعيداتى – حالىقپەن تىعىز بايلانىس. بۇل مودەلدى ءساتتى ەنگىزۋ ءۇشىن «ءبىر تەرەزە» قاعيداتى بويىنشا جۇمىس ىستەيتىن سەرۆيستىك ورتالىقتار، مودۋلدىك بەكەتتەر جانە ۋچاسكەلىك پوليسيا پۋنكتتەرى سىندى جاڭا ينفراقۇرىلىم قاجەت، دەپ حابارلايدى Almaty-akshamy.kz.
الماتى اكىمدىگىنىڭ «ءقاۋىپسىز قالا» جوبالىق كەڭسەسىنىڭ جۇمىسى اياسىندا ىسكە اسىرىلاتىن سەرۆيستىك ورتالىقتاردى قۇرۋ ازاماتتار كومەك سۇراپ، جۇگىنگەن كەزدەگى شيەلەنىس پەن ىڭعايسىزدىق دەڭگەيىن تومەندەتۋگە، قالالىق پوليسيا بولىمشەسىنىڭ جۇمىسىن جەڭىلدەتۋگە، قۇقىق قورعاۋ ورگاندارى جۇمىسىنىڭ تيىمدىلىگىن ارتتىرۋعا مۇمكىندىك بەرەدى. پوليسيانىڭ سەرۆيستىك ورتالىقتارىندا 55 ءتۇرلى تەگىن قىزمەت، ونىڭ ىشىندە كوشى-قون، اكىمشىلىك زاڭناما جانە ت.ب. قۇقىقتىق ماسەلەلەر بويىنشا كەڭەس بەرىلەدى. ءارى ول جەردە پسيحولوگ، مەدياتور بولادى. سەرۆيستىك ورتالىقتاردا رەسەپشن، كۇتۋ ايماعى، بالالار بۇرىشى قاراستىرىلعان.
حالىقتىڭ شاعىمىنا جەدەل دەن قويۋ مەن قاۋىپسىزدىك جونىندەگى الدىن الۋ شارالارىنىڭ تيىمدىلىگىن ارتتىرۋ ماقساتىندا 2026 جىلعا دەيىن «قادامدىق قولجەتىمدىلىك» قاعيداتى بويىنشا 30 زاماناۋي جابدىقتالعان ۋچاسكەلىك پوليسيا پۋنكتتەرى اشىلادى. بۇل پوليسەيلەر ءۇشىن دە، ءوتىنىش بەرۋشىلەر مەن ازاماتتار ءۇشىن دە قابىلداۋ ۋاقىتىندا قولايلى جاعداي جاساۋعا جول اشادى.
«پوليسيانىڭ سەرۆيستىك ورتالىقتارى – قۇقىق قورعاۋ ورگاندارىنىڭ قوعاممەن ءوزارا ءىس-قيمىلىنىڭ وڭتايلى نۇسقاسى. كەلۋشىلەر ءۇشىن قولايلى جاعداي جاسالادى. قوعامدىق ورىنداردا پوليسيانىڭ ءموبيلدى پۋنكتتەرىن ورناتۋعا جانە جاراقتاندىرۋعا قالا بيۋدجەتتەن قوسىمشا قاراجات بولۋگە دايىن. ءبىز جەرگىلىكتى بيۋدجەت ەسەبىنەن ورتاق پايدالانىلاتىن جەرلەردە پوليسيا ءۇشىن جاقسى مودۋلدىك پۋنكتتەر جاساۋعا دايىنبىز. كوممۋنيكاسيا جۇرگىزەمىز، عيماراتتاردى تولىعىمەن جابدىقتايمىز – بۇل ىڭعايلى بولادى»، - دەدى ەربولات دوسايەۆ.
جاڭا ءتاسىلدى ىسكە اسىرۋ اياسىندا الماتىدا پوليسيا جۇمىسىنا سيفرلاندىرۋ مەن جاڭا تەحنولوگيالاردى ەنگىزۋ بەلسەندى ءجۇرىپ جاتىر. قالادا 16 مىڭنان استام بەينەباقىلاۋ كامەراسى ءبىرىڭعاي مونيتورينگ جۇيەسىنە قوسىلعان. وپەراتورلار زاڭ بۇزۋشىلىقتاردى تىركەۋگە جانە قاسكۇنەمنىڭ جەكە باسىن انىقتاۋعا مۇمكىندىك الادى. قالادا قاۋىپسىزدىك جۇيەسىن جەتىلدىرۋ ءۇشىن ماتەريالدىق-تەحنيكالىق بازا ۇنەمى جاڭارتىلىپ وتىرادى. ءتاسىلدى وزگەرتۋ اياسىندا جاڭا تەحنولوگيالىق شەشىمدەر ۇسىنىلادى.
قازاقستان پرەزيدەنتىنىڭ تاپسىرماسى اياسىندا ىسكە اسىرىلىپ جاتقان «پوليسيانىڭ سەرۆيستىك مودەلى» جوباسىن تالقىلاۋ بارىسىندا كەڭەسكە قاتىسۋشىلار شەتەلدىك تاجىريبەگە جۇگىندى. شوتلانديا، گرۋزيا، اقش پەن ۇلىبريتانيادا قۇقىق قورعاۋ ورگاندارىنىڭ جۇمىس ىستەۋ مەحانيزمدەرى تالداندى، سەرۆيستىك مودەل، وسىنداي باعدارلامانى ەنگىزۋ ناتيجەسى زەرتتەلدى، ستاتيستيكا سارالاندى. جوعارىدا اتالعان ەلدەردىڭ قۇقىق قورعاۋ ورگاندارىنىڭ مالىمەتتەرىنشە، قالادا قىلمىس سانى ايتارلىقتاي ازايعان.