الماتى پوليسياسى مەملەكەت باسشىسىنىڭ تاپسىرمالارىن ورىنداۋ اياسىندا پوليسيانىڭ قىزمەت كورسەتۋ ورتالىقتارىنىڭ جۇمىسىنا تالداۋ جۇرگىزدى، – دەپ حابارلايدى aqshamnews.kz Polisia.kz-كە سىلتەمە جاساپ.
قىزمەت كورسەتۋ ورتالىقتارىندا پوليسيا قىزمەتىنىڭ جوعارى ساپاسىن قامتاماسىز ەتۋ ءۇشىن ءىىو-نىڭ نەگىزگى جەلىلەرىندە ءارقاشان بىلىكتى قىزمەتكەرلەر بار. اتاپ ايتقاندا، كوشى-قون زاڭناماسى، اكىمشىلىك زاڭناما، جەرگىلىكتى پوليسيا قىزمەتى، يۋۆەنالدىق پوليسيا، ايەلدەردى تۇرمىستىق زورلىق-زومبىلىقتان قورعاۋ بولىمشەلەرى، تەرگەۋ بولىمشەلەرىنىڭ ماماندارى.
سونىمەن قاتار قىزمەت كورسەتۋ ورتالىقتارىندا مەدياتور، زاڭ قىزمەتىن كورسەتۋ بويىنشا كەڭەسشى جانە پسيحولوگ قىزمەتتەرى كورسەتىلەدى. قىزمەت كورسەتۋ ورتالىقتارى اشىلعان كۇننەن باستاپ بۇگىنگى كۇنگە دەيىن ءىىو-عا قاتىستى ءتۇرلى ماسەلەلەر بويىنشا 13098 ازاماتتىڭ ماسەلەسى قارالىپ، ولارعا كاسىبي كومەك كورسەتىلدى. نەگىزىنەن ازاماتتار كوشى-قون جانە اكىمشىلىك پروسەدۋرالار بويىنشا جۇگىنەدى.
تالداۋ: – الاتاۋ اۋدانى – 1720 ءوتىنىش؛ – المالى اۋدانى – 984 ءوتىنىش؛ – اۋەزوۆ اۋدانى – 2453 ءوتىنىش؛ – بوستاندىق اۋدانى – 3607 ءوتىنىش؛ – جەتىسۋ اۋدانى – 2858 ءوتىنىش؛ – مەدەۋ اۋدانى – 485 ءوتىنىش؛ – ناۋرىزباي اۋدانى – 991 ءوتىنىش.