10-20 مامىر ارالىعىندا الماتى پوليسياسى “قۇقىقتىق ءتارتىپ” رەسپۋبليكالىق جەدەل الدىن الۋ ءىس-شاراسى اياسىندا قىزمەتتىڭ كۇشەيتىلگەن نۇسقاسىنا اۋىستىرىلدى.
ونىڭ ماقساتى – جەكە قۇرامنىڭ تاۋلىك بويى قۇقىق ءتارتىبىن قورعاۋ، قىلمىسپەن كۇرەسۋ جانە ازاماتتاردىڭ قۇقىقتارىن قورعاۋ جونىندەگى تاپسىرمالاردى ورىنداۋعا دايىندىعىن تەكسەرۋ، دەپ حابارلايدى Almaty-akshamy.kz Polisia.kz*كە سىلتەمە جاساپ.
"قوعامدىق ءتارتىپتى ساقتاۋ، كوشەلەردە جانە باسقا دا قوعامدىق ورىنداردا قۇقىق بۇزۋشىلىقتىڭ الدىن الۋ جانە جولىن كەسۋ ماقساتىندا ءىس-شارا اياسىندا پوليسيا جاساقتارىنىڭ تىعىزدىعى ارتتىرىلدى. “قىلمىسقا مۇلدەم توزبەۋشىلىك” اياسىندا پوليسيا قىزمەتكەرلەرى مەن اسكەري قىزمەتكەرلەر كوشەلەردى، اۋلالاردى، الاڭداردى، ساياجايلاردى جانە باسقا دا قوعامدىق ورىنداردى ارالاۋدا. سونداي-اق پوليسەيلەر كوشى-قون زاڭناماسىن، ونىڭ ىشىندە قۇرىلىس جانە ساۋدا سالالارىنداعى بۇزۋشىلىقتاردى انىقتاۋ ماقساتىندا تەكسەرۋ جۇمىستارىن جۇرگىزىپ جاتىر"، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ەرجان ۇزابايەۆ.
ساپتۇزەۋ بارىسىندا قىزمەتكەرلەردىڭ كيىم-كەشەكتەرى، كولىكتەردىڭ جاعدايى، سونداي-اق قالاداعى زاڭدىلىق پەن ءتارتىپتىڭ ساپاسىنا اسەر ەتەتىن تەحنيكالىق قۇرال-جابدىقتارى تەكسەرىلدى. سونىمەن قاتار قالاداعى قوعامدىق ءتارتىپتى قورعاۋدى كۇندەلىكتى ءوز قولدارىنا الاتىن پاترۋلدىك پوليسيا پولكى، مامانداندىرىلعان باتالون، جقاج قىزمەتكەرلەرى كومانديرلەردىڭ باعىت-باعدارى مەن نۇسقاۋلارىن تىڭدادى.