كۇدىكتىنىڭ ازىق-تۇلىك دۇكەندەرىندەگى ۇرلىقتىڭ ونداعان دەرەگىنە قاتىسى بار بولۋى مۇمكىن، دەپ حابارلايدى Almaty-akshamy.kz Polisia.kz-كە سىلتەمە جاساپ.
«جەدەل ءىس-شارالاردىڭ ناتيجەسىندە ەر ادام ۇستالدى، ول دۇكەندەر مەن سۋپەرماركەتتەردە ەركىن كىرۋ ارقىلى ۇرلىق جاسادى دەگەن كۇدىككە ىلىنگەن: “كەلۋشىنى” ەشكىم باقىلاپ تۇرماعان كەزدە ول تاۋارلاردى ۇرلاعان. سوتقا دەيىنگى تەرگەۋدىڭ وسى كەزەڭىندە ۇستالعان ازاماتتىڭ 56 ۇرلىق دەرەگىنە قاتىسى بارى انىقتالدى. قىلمىستىق ەپيزودتاردىڭ سانى بۇدان دا كوپ بولۋى مۇمكىن، وسىعان بايلانىستى كۇدىكتىنىڭ باسقا دا قىلمىسقا قاتىسى بار-جوعى تەكسەرىلىپ جاتىر»، – دەدى بوستاندىق اۋداندىق پوليسيا باسقارماسىنىڭ باستىعى ديدار احانوۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.