پوليسيا قىزمەتكەرلەرى الماتىنىڭ المالى اۋدانىندا قاراقشىلاردى ۇستادى.
ەكى جاس جىگىت ءوتىپ بارا جاتقان ادامعا شابۋىل جاساپ، زورلىق-زومبىلىقپەن قورقىتىپ، ونى نەسيە الۋعا ماجبۇرلەگەن جانە اقشانى يەمدەنگەن، دەپ حابارلايدى aqshamnews.kz Polisia.kz-كە سىلتەمە جاساپ.
– قاراقشىلىق دەرەگى بويىنشا سوتقا دەيىنگى تەرگەۋ امالدارى جۇرگىزىلۋدە. ەكى كۇدىكتى دە قاماۋعا الىندى. ولاردىڭ وسىعان ۇقساس بىرنەشە قىلمىستىق ەپيزودتارعا قاتىسى بار ەكەندىگى بەلگىلى بولدى. وسىعان بايلانىستى، كۇدىكتىلەردىڭ جەكە باسى مۇقيات تەكسەرىلۋدە. سونداي-اق تەرگەۋ اياسىندا ۇرلانعان مۇلىكتى جابىرلەنۋشىلەرگە قايتارۋ جۇمىستارى جۇرگىزىلۋدە، – دەيدى المالى اۋداندىق پب-نا قاراستى پوليسيا ءبولىمىنىڭ باسشىسى باتۇرجان ابدۋماساروۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.