سۋيسيد جاساماقشى بولعان اداممەن قازىرگى كەزدە پسيحولوگتار جۇمىس ىستەپ جاتىر.
الماتىدا پاترۋلدىك پوليسيا پولكىنىڭ قىزمەتكەرلەرى قىزدى سۋيسيدتان قۇتقاردى، دەپ حابارلايدى Almaty-akshamy.kz.
ىشكى ىستەر مينيسترلىگىنىڭ رەسمي سايتى بەرگەن مالىمەت بويىنشا، 24 شىلدەدە تاڭعى ساعات ءتورت جارىمدا قاراساي باتىر كوشەسىندەگى ۇيلەردىڭ ءبىرىنىڭ شاتىرىندا ءبىر قىز ءتورت قاباتتى ءۇيدىڭ شاتىرىنا شىعىپ، سەكىرمەك بولعان. مۇنى پاترۋلدىك پوليسيا پولكىنىڭ قىزمەتكەرلەرى المالى اۋداندىق پب عيماراتىنان شىعىپ بارا جاتقاندا كورگەن.
«پوليسيا لەيتەنانتى راسۋل مامەتنيازوۆ پەن پوليسيا اعا لەيتەنانتى دانيار تاستەكەيەۆ ەش ويلانباستان ۇيگە جۇگىرىپ كەلىپ، ءورت سوندىرۋشىلەر باسپالداعىمەن شاتىرعا كوتەرىلدى. قىز شاتىردىڭ ەڭ شەتىندە تۇرعان، جاس قىزمەتكەر ونى سوڭعى قادامعا بارۋعا دايىن بولعان ساتتە ۇستاپ الدى. 28 جاستاعى ۆالەريا ەسىمدى قىز ەسەڭگىرەگەن كۇيدە بولعان»، – دەلىنگەن پوليسيا حابارلاماسىندا.
پوليسيا ونىڭ كۇيزەلىستە بولعاندىعىن جانە سۋيسيدكە نە سەبەپ يتەرمەلەگەنى ءالى بەلگىسىز ەكەنىن اتاپ ءوتتى. قازىرگى كەزدە ونىمەن پسيحولوگتار جۇمىس ىستەۋدە. پوليسيا قىزمەتكەرلەرىنىڭ كەلىسىلگەن جانە جەدەل ارەكەتىنىڭ ارقاسىندا ادام ءومىرىن ساقتاپ قالۋعا مۇمكىندىك تۋدى.