بۇگىن الماتىدا قالالىق پوليسيا دەپارتامەنتىنىڭ باستىعى ارىستاننان زاپپاروۆتىڭ توراعالىعىمەن كەشەندى پوليسيا كۇشتەرىنىڭ بىرىككەن ساپتىق تارالىمى وتكىزىلدى.
ءىس-شارا مەرەكەلىك كۇندەر كەزىندە قوعامدىق قاۋىپسىزدىكتى ارتتىرۋ ماقساتىندا پوليسيانىڭ قىزمەتىن كۇشەيتىلگەن تارتىپكە كوشىرۋ اياسىندا ۇيىمداستىرىلدى.
ارىستانعالي زاپپاروۆ جەكە قۇرامعا باستى مىندەتتەردى ايقىنداپ بەردى: قوعامدىق ءتارتىپتى ساقتاۋ، الدىن الۋ شارالارىن كۇشەيتۋ جانە قۇقىق بۇزۋشىلىقتارعا جەدەل ارەكەت ەتۋ. اسىرەسە حالىق كوپ شوعىرلاناتىن ورىنداردى پاترۋلدەۋ، جول قوزعالىسى قاۋىپسىزدىگىن قامتاماسىز ەتۋ، جاسوسپىرىمدەر اراسىنداعى قۇقىق بۇزۋشىلىقتاردىڭ الدىن الۋ، سونداي-اق التەرناتيۆتى كولىكتەردى پايدالانۋ كەزىندە ەرەجەلەردىڭ ساقتالۋىن باقىلاۋ باعىتتارىنا ەرەكشە نازار اۋدارىلدى.
- ءبىز مەرەكەلىك كۇندەرى تۇرعىنداردىڭ تىنىشتىعى مەن قاۋىپسىزدىگىن قامتاماسىز ەتۋ ءۇشىن قىزمەتتى كۇشەيتىلگەن تارتىپتە اتقارۋعا كوشتىك. پوليسيانىڭ نەگىزگى ماقساتى – زاڭ جانە ءتارتىپ. ءاربىر قىزمەتكەر ءوز مىندەتىن جاۋاپكەرشىلىكپەن، مۇقيات ءارى ءپرينسيپشىل تۇردە ورىنداۋى ءتيىس. سىزدەردىڭ جۇمىستارىڭىزدىڭ ارقاسىندا ازاماتتاردىڭ قاۋىپسىزدىگى قامتاماسىز ەتىلەدى، قۇقىق بۇزۋشىلىقتار دەر كەزىندە انىقتالىپ، جولى كەسىلەدى، – دەدى ارىستانعاني زاپپاروۆ.
قالادا "قۇقىقتىق ءتارتىپ" جەدەل-پروفيلاكتيكالىق ءىس-شاراسى باستالدى. ونىڭ اياسىندا جاياۋ جانە اۆتوپاترۋلدەر كۇشەيتىلدى، كينولوگيالىق قىزمەت ماماندارى، ۋچاسكەلىك پوليسيا پۋنكتتەرى، قۇقىق قورعاۋ بولىمدەرى جانە جەدەل قىزمەتتەردىڭ بولىمشەلەرى جۇمىلدىرىلدى. پوليسيا تۇرعىنداردى زاڭ تالاپتارىن ساقتاۋعا، اباي بولۋعا جانە كەز كەلگەن قۇقىق بۇزۋشىلىق نەمەسە كۇدىكتى جاعداي تۋرالى دەرەۋ حابارلاۋعا شاقىرادى.