وسى جىلدىڭ 13-19 قاڭتار ارالىعىندا الماتى پوليسياسى قىلمىستىق اتقارۋ جۇيەسى دەپارتامەنتىندەگى ارىپتەستەرىنىڭ كومەگىمەن بۇرىن سوتتالعان ادامدار تاراپىنان قايتالاناتىن قىلمىستاردىڭ الدىن الۋعا باعىتتالعان «پروفيلاكتيكالىق باقىلاۋ» جەدەل الدىن الۋ ءىس-شاراسىن وتكىزۋدە، دەپ حابارلايدى aqshamnews.kz Polisia.kz-كە سىلتەمە جاساپ.
– ءىس-شارا كەزەڭىندە تۇرعىلىقتى جەرى بويىنشا ەسەپتە تۇرعان 1416 ادام تەكسەرىلدى. ونىڭ ىشىندە ەسىرتكى قولدانۋدىڭ 4 دەرەگى انىقتالدى. بەلگىلەنگەن مىندەتتەرىن بۇزعانى ءۇشىن پروفيلاكتيكاعا جاتاتىن 35 ادامعا قاتىستى سوت شەشىمىمەن شارتتى تۇردە مەرزىمىنەن بۇرىن بوساتۋدىڭ كۇشى جويىلىپ، باس بوستاندىعىنان ايىرۋ ورىندارىنا قايتارىلدى. سونىمەن قاتار بۇرىن سوتتالعان 26 ادامعا قاتىستى اكىمشىلىك قاداعالاۋ بەلگىلەندى، – دەدى الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى ايتان ەلەۋسىزوۆ.
بايانداماشىنىڭ ايتۋىنشا، قوعامنان وقشاۋلانباعان جانە پروباسيالىق ەسەپتە تۇرعان سوتتالعاندار تاراپىنان سوت بەلگىلەگەن مىندەتتەردى بۇزۋدىڭ 15 دەرەگى انىقتالدى. ءتيىستى شارا قولدانۋ ءۇشىن ماتەريالدار پروباسيا قىزمەتىنە جىبەرىلدى.