اكىمشىلىك ايىپپۇلدار، اليمەنت ءوندىرۋ، سونداي-اق سالىقتىق بەرەشەكتەردى وتەۋ ماقساتىندا 2025 جىلدىڭ 25-28 قاراشاسى ارالىعىندا الماتى قالاسىندا مەملەكەتتىك كىرىستەر دەپارتامەنتى مەن جەكە سوت ورىنداۋشىلارىنىڭ ايماقتىق پالاتاسىمەن بىرلەسكەن "بورىشكەر" جەدەل-الدىن الۋ ءىس-شاراسى وتكىزىلۋدە، - دەپ حابارلايدى Aqshamnews.kz Polisia.kz-كە سىلتەمە جاساپ.
– بورىشكەرلەر اۆتوماتتاندىرىلعان پوليسيا جۇيەلەرى ارقىلى انىقتالادى. بەرەشەك تولىق وتەلگەنگە دەيىن ولاردىڭ كولىك قۇرالدارى مامانداندىرىلعان ايىپتۇراعىنا ورنالاستىرىلادى. ءىس-شارانىڭ العاشقى كۇنى ايىپ تۇراعىنا اليمەنت جانە ايىپپۇل قارىزدارى جالپى شامامەن 6 ميلليون تەڭگەنى قۇرايتىن 5 كولىك قۇرالى قويىلدى، – دەپ اتاپ ءوتتى الماتى قالاسى پوليسيا دەپارتامەنتى اكىمشىلىك پوليسيا باسقارماسىنىڭ باستىعى سەرىك شۋمايەۆ.
پوليسيا تۇرعىنداردى جەكە جاۋاپكەرشىلىكتى ارتتىرۋعا، جول قوزعالىسى ەرەجەلەرىن بۇلجىتپاي ساقتاۋعا جانە قۇقىق بۇزۋشىلىقتار ءۇشىن سالىنعان ايىپپۇلداردى ۋاقىتىلى تولەۋگە شاقىرادى.