بۇگىن الماتى قالاسى پوليسيا دەپارتامەنتىنىڭ جەكە قۇرامى المالى اۋدانىنىڭ قاق ورتاسىندا ورنالاسقان مۇقاعالي ماقاتايەۆ اتىنداعى سكۆەرگە كەڭ اۋقىمدى سەنبىلىككە شىقتى، - دەپ حابارلايدى Aqshamnews.kz.
بۇل ناۋقان رەسپۋبليكالىق “تازا قازاقستان” كامپانياسى اياسىندا ءوتىپ، تەك قانا اۋماقتى تازالاۋ شاراسى عانا ەمەس، ناعىز تازالىق پەن قالاعا دەگەن قامقورلىقتىڭ مەرەكەسىنە اينالدى. پوليسيا قىزمەتكەرلەرى شاھاردىڭ ەڭ كوركەم بۇرىشتارىنىڭ بىرىندە تازالىق جۇمىستارىن جۇرگىزدى.
وسى كۇنى پوليسيا قىزمەتكەرلەرى ۇلى اقىن مۇقاعالي ماقاتايەۆتىڭ ولەڭدەرىن وقىدى. سەنبىلىككە قاتىسۋشىلار مەن قالا تۇرعىندارىنا الما سالىنعان سەبەتتەر ۇسىنىلىپ، پوليسيا قىزمەتكەرلەرىنىڭ كوركەمونەرپازدار كونسەرتى ۇيىمداستىرىلدى.
— ءبىز، الماتى پوليسياسىنىڭ قىزمەتكەرلەرى كۇن سايىن قوعامدىق ءتارتىپ پەن ازاماتتاردىڭ قاۋىپسىزدىگىن قامتاماسىز ەتەمىز. الايدا تۋعان قالامىزدىڭ تازالىعى مەن كوركەيۋىنە ءوز ۇلەسىمىزدى قوسۋ دا ماڭىزدى. مۇنداي سەنبىلىك – بۇل تەك تابيعاتقا قامقورلىق قانا ەمەس، سونىمەن قاتار بالالارىمىزعا، جاستارىمىزعا جانە شاھار تۇرعىندارىنا ۇلگى بولارلىق ءىس، — دەدى الماتى قالاسى پوليسيا دەپارتامەنتىنىڭ باستىعى ارىستانعاني زاپپاروۆ.
ءىس-شارا بارلىق قاتىسۋشىلاردىڭ ەستەلىك سۋرەتكە تۇسۋىمەن، جىلى اتموسفەرامەن جانە قالا تۇرعىندارىنىڭ شىنايى العىستارىمەن اياقتالدى.