كەشكى كويلەكتەردى ساتۋ سىلتاۋىمەن ازاماتتاردى الدادى دەگەن كۇدىكپەن ايەل ادام ۇستالدى.
تەرگەۋ بارىسىندا كۇدىكتىنىڭ Instagram الەۋمەتتىك جەلىسىندە "بىركۇندىك" پاراقشالار اشىپ، ايەلدەر كيىمىن ساتاتىنى جونىندە جالعان حابارلاندىرۋلار جاريالاعانى انىقتالدى، - دەپ حابارلايدى aqshamnews.kz.
ول الەۋەتتى ساتىپ الۋشىلاردان الدىن الا تولەم اۋدارۋدى سۇراپ، قاراجات تۇسكەننەن كەيىن بايلانىسقا شىقپاي، اككاۋنتتاردى بۇعاتتاپ، حات-حابارلاردى ءوشىرىپ وتىرعان. قازىرگى ۋاقىتتا كۇدىكتى ۇستالىپ، وعان قاتىستى تەرگەۋ امالدارىنىڭ كەشەنى جۇرگىزىلۋدە. سونداي-اق ونىڭ وسىعان ۇقساس باسقا دا ينتەرنەت-الاياقتىق فاكتىلەرىنە قاتىسى بارى تەكسەرىلۋدە. الاتاۋ اۋداندىق پوليسيا باسقارماسىنىڭ باستىعى ەدىلحان بايعارايەۆتىڭ ايتۋىنشا، مۇنداي ينتەرنەت-الاياقتىق سحەمالار ءالى دە كەڭ تارالعان.
– الاياقتار ازاماتتاردىڭ سەنىمىنە كىرىپ، جالعان ينتەرنەت-دۇكەندەردىڭ كورىنىسىن جاسايدى. وسى ورايدا تۇرعىنداردى ونلاين-ساتىپ الۋ كەزىندە بارىنشا ساق بولۋعا، بەيتانىس تۇلعالارعا اقشا اۋدارماۋعا جانە ساتۋشىلاردى الدىن الا تەكسەرۋگە شاقىرامىز، – دەدى ول.
پوليسيا ينتەرنەت-الاياقتىق بەلگىلەرى انىقتالعان جاعدايدا ازاماتتاردى دەرەۋ ىشكى ىستەر ورگاندارىنا جۇگىنۋگە شاقىرادى.