الماتىدا «پەتروسۋن» ج ش س سۇيىتىلعان مۇناي گازىن ساتۋ كەزىندە مونوپوليالىق جوعارى باعالاردى پايدالانعانى انىقتالدى.
بۇل تۋرالى وڭىرلىك كوممۋنيكاسيالار قىزمەتى الاڭىندا ق ر باسەكەلەستىكتى قورعاۋ جانە دامىتۋ اگەنتتىگىنىڭ الماتى قالاسى بويىنشا دەپارتامەنتىنىڭ باسشىسى نۇرجان ۇرانحايەۆ ايتتى، -دەپ حابارلايدى اlmaty-akshamy.kz قازاقپارات-قا سىلتەمە جاساپ.
«2021 جىلى قىركۇيەك-قاراشا ايلارىندا سۇيىتىلعان مۇناي گازىنىڭ كوتەرمە باعاسى ۋاكىلەتتى ورگان بەكىتكەن شەكتى باعادان 300%-دان استام ءوسىپ، تونناسىنا 183 مىڭ تەڭگەنى قۇراعان. بۇل ءوسىم بيرجالىق ساۋدا-ساتتىق كەزىندە «پەتروسۋن» ج ش س تاراپىنان تاۋار باعاسىنىڭ وبەكتيۆتى دالەلدى سەبەپتەرسىز ۇزدىكسىز كوتەرۋ سەبەبىنەن بولدى»، - دەدى سپيكەر.
قابىلدانعان شارالاردىڭ قورىتىندىسى بويىنشا مەملەكەتكە 2،2 ملرد تەڭگەدەن استام شىعىن وتەلدى. سونىمەن بىرگە، مونوپولياعا قارسى ورگاننىڭ قورىتىندىسى بويىنشا نارىقتىڭ جەكەلەگەن سۋبەكتىلەرىنە مۇناي ونىمدەرىن (اي-92، دت) وتكىزۋدەن نەگىزسىز باس تارتۋدا كورسەتىلگەن ءوزىنىڭ ۇستەم جاعدايىن تەرىس پايدالانۋ فاكتىسى بويىنشا «پەتروسۋن» ج ش س 600 ملن تەڭگەدەن استام سوماعا اكىمشىلىك جاۋاپقا تارتىلدى.
«سوتتا قاراۋ ناتيجەلەرى بويىنشا مونوپولياعا قارسى ورگاننىڭ ىس-ارەكەتتەرى زاڭدى ءارى نەگىزدى دەپ تانىلىپ، بۇگىنگى تاڭدا ايىپپۇل سوماسى تولىعىمەن بيۋدجەتكە قايتارىلدى»، - دەدى نۇرجان ۇرانحايەۆ.